Stacy Music Video Thar, Khawngaihna Thing Kraws

Mizo Hmeichhe zaithiam, a lar tirh atanga ‘Relevant’ reng thei, Music video emaw, audio albSatum emaw la siam miah si lo, Stacy VL Muanpuii music Video hmasa ber, “Khawngaihna Thing Kraws” tih chu Tv lamah en theihin a awm ta.

Zonet Beiseina-ah 24-03-2016 khan a vawikhatnan a chhuak.

He video hi Tuikual Branch KTP Music video album a hla pakhat a ni.

Stacy hi Tuikual Branch KTP hruaitu ni lai a ni a, Dawrpui Vengthar bial leh Tuikual Bial Zaipawlah te a lo tel tawh thin a. 2014-16 Mizoram Synod Choir-ah a tel bawk a, hemi hma hian TBZ Choir-ah a tel bawk.

Kohhran leh Thalai rawngbawlnaa inhmang ngar ngar a nih angin, a music Video hmasa ber pawh Private a siam a ni lo a, Branch Project peng a nih anga siam a ni.

2014-a Christopher Sencer-a film siam, “Son of God” tih film-a hla pakhat, Mercy Tree tih,Krissy Nordhoff leh Michael Neale te phuah, Anthony Evans-a sak, “Real Life/real Worship”album a mi ni bawk atanga Lalmuanawma, Mission Vengthlangin a lehlin a ni.

Blue Wave records-ah audio recording hi buaipui a ni a, Video hi SVP (Lalnunsiama) kut chhuak a ni.

Stacy zaipui tu Backing Choir te hi, an zai dan tur Arranged tu hi C. Lalchamliana , Synod Choir Conductor Hlui a ni a,
Member te chu : K.Laltanpuii, Kulikawn Vengthlang,
K.Lalremzuali, Dinthar
PC Lalhmingsanga, Leitan
Lalduhawma, Maubawk
David Vanlalpeka Hauzel, Chanmari West Hmar Veng te an ni.

MIZO LEHKHABU THAR- LAISUIH BU HNIHNA

Lehkhabu Hming: Laisuih Bu hnihna (Essay on Criticism)

Ziaktu: F. Lalzuithanga

Chhuah Kum: 2016

'Laisuih Bu hnihna' by F. Lalzuithanga
‘Laisuih Bu hnihna’ by F. Lalzuithanga

 

Vawiin (19.3.2016) Chhunah Chanmari, Aizawlah ka nau F. Lalzuithanga nen kan inhmu hlauh mai a. A lehkhabu thar “Laisuih bu hnihna” hi min pe ta a, ka lawm hle mai.

Ama sawi dawn takin hemi lehkhabu hi, “Critical Writing hlang” a ni.

A lehkhabu hi then thumah thenin, thenkhatah hian Thuziak panga zel a awm a, a vaiin Thuziak 15 a awm tihna a nih chu.

Hetiang hian a lehkhabu chu a thendarh a…

Then Khatna: Ngaihdan (Theory and Criticism)

  1. Literature Khawvel
  2. Literature Kawtchhuah
  3. Critic leh a hna (Pilat & Gabatha Theory)
  4. Mizo Literary criticism leh book review
  5. Literary Criticism hnathawh leh Mizo Literature a a pawimawhna

Then Hnihna: Thlirna (Poetry and Criticism)

  1. Hlakungpui Awithangpa
  2. R.L. Kamlala hla thlirna
  3. Lalzuahliana Poetry thlirna
  4. Objective Correlative leh Rokunga ‘Chhawrpial Run’
  5. Escapism in Zikpuii Pa, Zirsangzela Hnamte & R.L. Thanmawia’s Poetry

Then Thumna: Bihchianna (Fiction and Criticism)

  1. Zikpuii Pa ‘ Nunna Kawng Thuampuiah’
  2. James Dokhuma ‘Khawhar In’ nge ‘Luahloh Lungdi’ zawk?
  3. Zara ‘Kan Thirsakawr’ bihchianna
  4. Lalpekkima ‘Taunu Zawlaidi’ bihchianna
  5. C. Thuamluaia ‘Utopian Novel’ bihchianna

KRAWS HLUN

Kraws Hlun hla phuahtu chu
Kraws Hlun hla phuahtu chu

George Bernard-a chu, Youngstown, Ohio-ah a piang a. A pa hi George Russell Bennard a ni a, a nu chu Margaret Bernard a ni. Chumi hnu reiloteah Iowa state-a, Albia-ah an pem a, hemi hnu hian Iowa ram chhung tho Lucas-ah an pem leh a. Heta an awmlai hian Bernard-a chuan Lal Isua chu a chhandamtu a tan a pawm a. A pa George Bernard-a ve tho chu kum 49 mi niin a thi thut mai a, kum 16 mi chauh niin chhungkua a enkawl chho ta a ni. Kum 24 mi a nihin Salvation Army Officer-ah a lut a. Bernard-a leh a nupui hmasa zawk pawh heta in tawng hi an ni. An nupa hian he pawlah hian Officer niin kum eng emaw zat rawng an bawl a ni.

A hnuah Methodist kohhranah a lut a. Methodist Episcopal Kohhranah rawngbawltu lang sar tak niin a hun zawng zawng chu rawngbawlin a hmang a, kan rama harhna lam hawi rawng kan bawl ang deuh hian rawng bawlna te kalpuiin a buai thin khawp mai. Michigan leh New York State velah a bei nasa zual a.

  1. Continue reading KRAWS HLUN

CHATUAN NUNNA ROHLU KA CHHAR TA

Tuna kan Kristian hlabu hman mek a no 411 na, ‘Chatuan Nunna rohlu ka chhar ta’ tih hi mizo Kristiante zingah chuan hla langsar leh mite thinlung hneh ber pawl a ni awm e.

Baptist Kohran Pastor fel tak mai, Rev.H. Hrangena chu Baptist kohhran hruaitu hlun leh Baptist kohhran tana pa chan chang thin a ni a. 1962 khan PUC, Lunglei College atangin a zir zo a, chumi hnuah Jubilee Bible School-ah a han lut leh ren rawn a.

1964-1967 Inkarah khan Cherra Theological College-ah L.Th a zir a. Chuta Pathian thu a zir lai chuan ram a lo buai ta a. Chutih hunlai chuan, mihring nunna hlut loh vanglai tak a ni a, mahni hnampui ngeite pawh thu ho te teah nunna inlaksak hun lai a ni. Inhekte, inrinhlehna te leh inhuatna naran mai mai vanga inthah a hluar hle thin a. Continue reading CHATUAN NUNNA ROHLU KA CHHAR TA

‘KHAWNGAIHNA MAK’ KA SAWI NIN LOH CHU

john newton
John Newton-a, Pathian Khawngaihnain a hruaia chu

(Sala sumdawng thin mi sual tak khan, Thisen luia silfaina a lo chan takah chuan Pathian Khawngaihna chu fiah takin a lo hmu ta a ni)

“Amazing Grace” hi khawvela kristian hla (Hymn) lar ber pawl a ni a, English pachal John Newton-a phuah a ni. Newton’sOlney Hymns (1779) kha mipui hmuh theiha pho chhuaha a awm tanna a ni.

Mizo tawnga kan hmuh ang hi Newton-a phuah dan dik tak a ni lo nasa a, mizo tawnga a chang lina phei hi chu a phuah a ni lo hrim hrim. A hnuaia mi hi, Newton-a phuah dan chu a ni:

Amazing grace, how sweet the sound
That sav’d a wretch like me!
I once was lost, but now am found,
Was blind, but now I see. Continue reading ‘KHAWNGAIHNA MAK’ KA SAWI NIN LOH CHU

HOME TRUTH FOR CAREER WIVES – Chetan Bhagat

Lettu : F. Vanlalrochana
(He article hi Making India Awesome tih Chetan Bhagata lehkhabu atanga ka lehlin a ni.)
Hmanni deuh lawka Cocktail 2012 tih film ka en kha ka rilruah a awm deuh reng mai. A changtupa khan Hmeichhe hmeltha tak pahnih atangin a duh zawk a thlan kha a ngai a. A film kha London-ah a innghat a. A changtupa leh changtunu pakhat chu Night club-ah an intawng a, zu an in dun a, an mu dun nghe nghe! Tun lai khawvela hna duhawm tak mai glamour photography, graphic art leh software design kaihhnawiha hnathawk an ni. Mahse, a tawpah chuan a changtupa chuan hmeichhe rawngbawl thiam, incheina pawh uluk khip khep tak, chhungpuinu niha ina awm thlang, a nu ti lawmtu zawk chu nupuiah a nei ta a ni. A hnawl tak zawk, Nula ‘independent’ tak mai leh zalen haih mai pawh khan amah a neih theihna a nih dawn chuan inseam rem a hreh bik lo a, ei rawngbawla “Indian chhungkuaa mo tha” ni tura insiam rem a hreh biklo a ni.
A movie kha a en a nawm viau rualin ka ngaihtuahna a ti buai ang reng bawk. Hmeichhe hlawhtling leh rintlakte chu an pasal te tana ‘Dal’ leh ‘Roti’ siama ‘Damna” hmu anga kan lan tir chuan kan fanu naupang te te hnenah hian en gang India nge kan lan tir le!

Continue reading HOME TRUTH FOR CAREER WIVES – Chetan Bhagat

“LAL KA THLANG” LALTHANKIMA, Engkim zawng aia Isua thlangtu

Mizo pa ropui tak pakhat, zirna tha dawng siloa sap tawng thiam ber pawl, CKTP OB hmasa berte zinga mi, Kohhran Upa leh Pathian thu sawi thiam Lalthankima kha, Hmangaihnain a ti buai ve em em thin a.

Rawlthar la nauangte a nih laiin, lungrun takin ngaihzawng a nei a. Kum 15 mi lek a nih laiin amah aia kum 4 a upa ngaihzawng a nei thin a. A ngai em em thin. A ngaihzawng khan pasal a neihsan ang tih a hlau a, Nupui nei rual pawh a la ni lo chung khan,
“A parmawi vul lai thliah hmain
Khuandimin mi liamsan ka hlau,
Dil chhin ila, a rem lawm ni
Kan hel lai, dar biahnem” a ti vawng vawng mai a ni.
Continue reading “LAL KA THLANG” LALTHANKIMA, Engkim zawng aia Isua thlangtu

INDIA SIPAI

Indian-Army-Pay-and-AllowancesIndian Army kan sawi hian khawmual sipai te kan sawina a ni a. Indian Army hi stading army a ni a, khawvela lian ber dawttu a ni a; 1,129,900 active troops leh  960,000 reserve troops a nei a ni.

1st April, 1895 a din tan anga ngaih a ni.

Tunah hian Indian Army hian Infantry Modernization Programme , Futuristic Infantry Soldier As a System (F-INSAS) tih chu a kal pui mek bawk a ni.

Hetiang hi an inrel bawl dan chu a ni-

India sipai hi operational command paruk leh training command pakhatah an inthen a, chu chu Lt General senior ten an kaihhruai thin a. Command tin chuan GOC-IC (general officer Commanding in chief ) a nei theuh a ni. Continue reading INDIA SIPAI

RINI NEN

rini-nenRini nen Airport-ah kan inhmu the hlawl a. A hmel a lo Puitling tawh hle a, a lo hmeltha em em taw bawk. Kum 10 vel zet kal ta hunah khan ka kir leh ta vawn vawn a.

I
Rini nen khan College atang kan inhre tawh a. Ka ngaizawng ngai lem lo. Ka ngam lo a ni. Ani te ang chuan min duh dawnin ka hre lo a, va ngai zawng ila, ka ngaizawng a ni tihte chu hrilh ila, min hnar chiang hlein ka ring a. Kan inhmel hriat ve chu tawk ka ti viau a, Class khata kan awm ho chu a lawmawm ka ti tawk hle!

Nula duhawm tak a ni a, mihring nunah hian thil tha ber ber chang se ka duh sak a. Ka ngaihzawng nise chu ka ti thin hle a. Chutiang erawh ka sawi chhuak ngam ngai lem lo. Mi tam tak pawh, keimah angin an awm ve tho ang tih ka ring!

Jeans kekawr da lam tah leh T-Shirt dum ka ha thin a, chutiang hlir chuan ka inthuam nitin thin a. Tu fanu tan maha han hmuhnawm tur hi ka ni lem lo a. Ka thian dangte chuan ngaihzawng an nei a, reloteah an thlak leh a. Kei ve chu, nula ka lo thutpui ve a nih pawhin an rawn ko a, min kalsan nalh nalh mai a ni.

Engtikemawah chuan ngaizawng nei tlak ka la ni ang a, ka duh ber ka ngaizawng anga, atan ka invawng ang, ka ti rilru thin a. Chutiang ni tur chuan Mark tha tak hmuh te, lehkhabu tha chhiar tam te a tulin ka hria a. Ka hmuh ang angte ka chhiar thin a.
Rini nen chuan kan inbe ve zauh zauh a. Mi ngai pawimawh em em ngaiin a hre lo a. Chutiang hmeichhe hmeltha chuan ngaihzawng tha tak mai, bike tha deuh khalh thin te a neiin ka ring a. Chutiang phei chu ka hmu ngai chuang lo a. Magazine lei ka duh thin avangin pawisa inkhawlnan ka bus fare tura ka chhungte min pek chu hmang loin kei chu kein ka kal thin thung a.
Inter-College week-a kan kal haw hi, khua a thim deuh tawh a. Tlanngval pathum rui tih hriat fahran hian nula pakhat hi an o din hual a. A hlauh hmel hle nghe nghe. Rini chu amahin hlau thawng takin a lo ding a. Mi hmu mai lo a. A palian ber chuan, a banah a man beh sak a. “MIn thlah rawh” Rini chuan a ti a.

RIni chuan min hmu mai lo a. Chumite pawh chuan min lo ngaihven lem lo a. Kei chuan, muang chang hian, ” MIn thlah rawh a tih che chu, thah ta che” ka ti a. Mi pathum an ni a, kei pakhat an ni a. Insual ila, ka hneh dawnlo tih ka hria. Mahse, hmeichhe awm nem awk mi pathumin chutia an lo ti buai ngawt chu ka kal pel thei lo a. MIpa awm dan tur niin ka hrelo a ni.
Pakhat chuan, “LO tel ve suh..>kaltlang rawh” a ti a…Keima lam an rawn hawi ta thap a. Rini chuan hlauthawng tak hian min lo thlir a. “Ka kal tlang lo ang. Mizo tlangvalin hmeichhe awm nem zawk an t buai tur a ni lo. An lo ti buai a hmuh pawhin a kal pel lo ang” ka ti a.

A meng sen rum a. Ka dinhmun chu ka ngaihtuah a. Pathum an ni a, an pate lem lo. An rui na a, rui chhe lutuk an ni lo. Ka hneh lo ang. Tlan chhiat erawh ka tum lem lo a, Hmachhawn mai ka tum a ni. Chu chu ka nih ve dn reng pawh a ni thin a. A atthlak deuh mai thei e. Mi min nuihzatna tur tam tak keimahah a awm anga, dawihzep ti erawh chuan min nuihzat ngai lo ang.

Min rawn pan a. A palian ber chuan na zetin a ban a rawn vai a, ka lo thle a. Mi vai thelh a. A bul chiaha mi chu na zet maiin ka hnek a. A hma atangin ka lo chik tawh a, a insual mi hmel berin ka hria a. A tlu hnawk mai. pakhat chuan rang zetin mi rawn zuan a, ka ke ka lo khai kang a ka lo tlawh a. Chumi lai chuan paliana chuan mi rawn bawh ve bawk a, ka theih anga lo inven pahin ka hnek let a. Pathuma min han tum ran takah chuan a tih ngaihna a awm ta lo a. A khawih theihna lai laiah chuan min khawih a ni ta a. Ka hmuite chu a thi phung tawh a.

CHutih lai chuan pa pahnih an rawn tlan a. Chumite pathum chu an tlan chhe ta a. Thil awm zia kan han hrilh a. Kan insualna a tanga inhnai berah chuan kan inti fai a. Ka hmui kak te chu dmdawi kan hnawih a. kan insual rei hman lutuk lo a, na lutuk ka nei lo.

Rini chu an inthleng ka thlah a. “Ka lawm hle mai…I va huai ve a…MIn chhan a ka lawm lutuk” a ti a…”Tu pawh nise, khatiang khan ka ti vek ang” ka ti mai a..
An inchhunga lut turin min sawm ngial a…Ka duh lo a…Kan thil tawn chu college-a sawi miah lo turin ka hrilh bawk a…

II
Rini te in chhung chu ka lut lo a. Kein kan in lam panin ka haw ta hnak hnak a. Ka mit ko a kak duh a, ka hmui a vung deuh bawk a. In ka thlen chuan ka chhungte chuan thil awm zia min zawt a, tawi fel deuhin ka hrilh hlawm a. Eng mah an sawi zuilo a.
A tuka College ka then thlak chuan, zawhna ka dawng tam hle a. Engvak mah ka sawi duh lo a, ka tlu sual ka ti mai a. An awih lem hlei lo a. Ka sawi thui loh avang chuan min zawt zui lem lo a.
Garage sirah chuan kan thian ho kan ding khawm tham a. Rini chu amahin a lo phei a. Zuia chuan, “Saw, Rini a lo phei” a ti a, “ka hmu ve a lawm..”ka lo ti a, “Lo bia la…I star a, biak pawh i tum chuang lo a..A ngam thuah chuan i ngam tih ka hre chiang em mai” a ti a…ka chhang zui lo a..Kan zawn a loo then chuan, “vanlal, Canteen-ah min va kalpui lawk ” a ti a..>Mi dang chuan mak an ti khawp a…kan inbiak ngai an hre si lo a..Canteen a kal turin min rawn sawm ta nawlh bawk si a…

An tawng thui hma chuan, “Kal rawh…” ka ti a, kan inzui phei ta a. “Nizanah chhani nen kan inbia a…I chanchin a sawi a..” a ti a…”Sawi tur vak a hrelo ang” ka lo ti mai a…” a sawi teuh mai…A tihtur tak tia a inhriat chin bak lawm thu a ngaithla duh lo ang…te pawh a ti” a ti a…Engmah chu ka sawi zui lo a…A chhungte’n lo leng ngei ngei rawh se, ar te pawh kan talh anga, chaw a ei tur a ni, an ti che te a ti a…A zahthlak mai mai e a…ka ti mai a…
canteen kilah chuan kan thu a….”ka treat ang che…Enge i ei duh” a ti a..A ngailo tih phei chu ka tum lo a, a ti lui dawn thoin ka ring a…”thingpui ka lo in ang”

“CHu chauh chu maw”
“Aw…Thingpui no khat a tawk mai”
Rini chuan, “Mi rawn chhan ringawt kha mak ka ti ang reng a. ka lawm bawk a…mahse, chhani’n i chanchin a sawi kha chuan amak ka ti ta lo a” a tih chuan, ” A ngaizawng lutuk che a, a hrilh ngam lo che a ti em ni?” ka ti lo ti vat a…”Ti lo e…Thil dang a lawm a sawi…Mi ngaizawng reng reng em ni?” a ti zui ve thung a, “ngai zawng lo e…” ka lo ti mai a…A nui ta a…A awih nge awih lo phei chu ka hre lo a…
Kan thil chah an rawn dah a…Chow chu a ei a…Ka thingpui chu ka in a..”Ngaihzawng i nei em?” a ti leh tawl a…”Nei e…”
“aihawm loh..>”
“enge i awihloh…”
“ka awihlo ve tawp.,”
“zawhna min zawt a…ka chhanna i awih leh si lo a, thil mi zawt tawh lohla a tha ang” ka ti a…
MI chum taih a.,,,”I bialpa pawn ngaihzawng a nei tho lawm…ka ngaihzawng neih chu enge i awihloh a…” ka tih khum a…
“ka bialpa chu i duh nange”
“tuai ka ni hlei nem”…A nui ri ta hial a…

Thil pahnih khat han tawn dun hian mihring hi thinlung lam a lo inhnaih thei khawp mai a…Rini pawh chuan mi ngaina tawh hle tih ka hria a…kei chuan, a ruka ka lo ngaihzawn sa kha a ni a…ka in ven fimkhur hle chu angai ttih ka hria a…Ka ngaihzawng ni se ka tihna a len viau rualin, chu rilru chu ka duhlo bawk a…Ngaihzawng nei lai a ni a…Nupui pasal lamin kan rilru a a luah lo a, duhduh in ngaizanwg kual thei mah ila, mi ngaihzawng ni lai a nih miau avangin a ngaihzawng nena an nun chu tihbuai ka duhlo a ni.
va buaipui ta chiam ila, an pahnih inkar a buai phahin ka ring bur e ka tihna phei chu a ni lo na a…Tih buai theihloh tak tak hi kan awm lo nia ka hriat vang zawk a ni…

A luhlula luhlul na na na chuan hmeichhe rilru hi an hmin leh mai thin niin ka hria…CHuutiang phei chu ka ni ve lem lo a, kei chu ka zei thlawt lo..

Ka unaupa pakhat hi danglam ve tak a ni…A bialnu thiannu a rai a…A bialnu zawk chu neih a duh talh si a…A hnuah chuan a bialnu te inah a leng tlat tlat mai a…An chhungkua chuan an be duh miah lo a…Thingpuite pawh an pek kan rap rap a…A leng ve zel a..A tawpah chuan a hmin leh ta nge nge a…”Khatiang chuan, tumah an tang zo lo ang” a nupuiin a ti ngeh nghe a ni…
Thil chi hrang hrang kan sawi a…kan ei zo a, kan chhuak ta a….Class lamah min luh san a…Thiante dinna lamah ka phei leh a…Rammawii class a ni a, ka awm peih lo a…US House of Representative leh Congress a hre hrang lo a, a classah ka awm peih ta bik lo a ni..
————————–————–XXXXXXXXXXXXXXXXXXXXXXXXXXXXXXX——-————————–
Heti thleng hi ka sawi rih ang, hemi hnu atanga Airporta kan inhmuh inkar hi ka sawi zawm leh ang.
10/2/2015
12th Bihar Regiment
58th Mountain Brigade
Imphal
Manipur

Continue reading RINI NEN

FARTHER ALONG PHUAH DAN

Kum zabi sawmpakuana tawplam kha a ni a. Missouri ram biala Queen City khuaa thuhriltu W.B. Stevens a chuan harsatna chi hrang hrang a tawk a. A fapa naupangte chu a thi thut a. Mi tam tak, an hmangaihte lo chan tawh thinte chu thurawn a lo pe tawh thin. Bible chang chulam hawi leh inghahna tlak tak takte chu a lo kawhhmuh tawh thin a. A tawngtai sakin, a thlamuan thin. He a lungngaihna tawrh erawh hi chuan a ti buai tak zet mai.

Pathian thu a hrilreng thei angem tithe chu a ngaihtuah a. A fapa a sunna hnua a sermon te chu a thawrawng ta riau hian a hria a. Hmangaihna Pathian chuan chutiang thil rapthlak tak chu engtin nge a chungah a thlen tir phal le? Engatinge mi thaten an tuar a, mi sualte an nawmsak? Engatinge Lalpa kei kher?
Continue reading FARTHER ALONG PHUAH DAN