HLA PHUAHTU SAIHNUNA, LENG LAL

“Tlang a dang, Lung a leng em mai
Then nan Lal remruat sa a ni” titu Saihnuna hi Fanai hnam a ni a. Leng Lal a ni. 1896-ah a Piang a. 1921-ah Pathian thu awihin, 1924-ah Baptisma a chang a. Mizo Lalte zinga Kristian Hmasa pawl a ni.

Zai a ngainaiin, zai a thiam a. Rual kawm a thiamine a ngainatawm a, a ma khuate bakah, hmun hrang hrang atangin an pan Khawm thin a. A ina lengloin an kal Khawm thin a ni.

Saihnuna hian hla 98 vel a phuah a, 1926-ah hla phuah tannin, a thih dawn 1949 thlengin hla a phuah a ni.

Saihnuna hlate hi hlawm lian tak tak Pathumah a then theih a,
1. Kristian hla
2. Khawhar Hla
3. Hla lenglawng

Amah ngeiin a hla phuah dan chungchang a sawi hi I lo ngaithla the ang

Ka Pa a thih avangin Tirhkoh hna ka zir thei ta lo a. Mahni awmna khuaah Pathian thu sawia a zing azan tin au ziah mai chu mawi lo ka ti bawk si a. Engtin nge Pathian thu ka hril theihna ni be rang tiin ka inngaihtuah reng fo thin a. Kohhran Upa te tanpuiin khawchhungah theih tawpin tangkai dawn ni ila, a tirah chuan, ‘Kan lal nge nge’ an ti anga, min fak hle mai thei a, a tawpah chuan, “Kan Kohran hi lal thu hlr a ni” tiin min rel anga, Kohhran ti buaitu ka lo ni mai ang, tihte ka hlau a. Engemaw ti tala Pathian rana tangkai ve chu ka duh ta a, Ti hian, ka ngaihtuah ta a ni.
1. Hla hi sermon kim tawi a ni
2. Hla hi lehkhathiam lo tan lehkha a ni
3. Hla hi kraws thlirna en tlang a ni
4. Hla hi Vanram leilawn a ni, tiin.

Chhim kil leh hmar kilah, Chhak leh thlangah…Kraws kawng bote leh, Kraws la hmu fiah lote tan pawh entlangah leh, leilawn atan tiin hla hi ka rilru lian ber a ni ta a. Chu chu Pathianin min hman a tumna a nih ringin ka rilrua thil lo awm chu ka ziak a, hlain ka sa chhuak ngam ta a ni”

Ama thuziak ngei atanga kan hmuh angina, a tir lamah chuan Pathian thu puanchhuahna leh Pathian thu hrilnan a phuah ber a. Miin an lo hriat lar takah chuan, Lusun te pawhin phuah sak turin an ngen zel a. An tawn angz ela phuahsakin, a hun hnuhnung lamah phei chuan, a ma lunglen dan ang zelin hla lenglawng te pawh a phuah ta zel a ni.

Engpawhnise, ama tum ang ngein, Pathian thu puanchhuahna leh rawngbawlna a tum ber a nih avangin Kristian hla pangai a phuah ho reng reng chu, a huap zo a, mitin intawm theih thilte pawh a ni reng a ni.

Saihnuna hla te chungchang hi Siamkima chuan uluk taka zir chiangin, heti hian a sawi, “ Thil reng reng hi a lunglen thlak zawngin a thlir a, tichuan, a hlaah te chuan, lunglenna leh vanram te, sakhaw hlui leh thar te a lang kawp a..Sakhaw hlui leh thar a lang kawp a..Rihdil piah ram mitthlaa min hmuhtir chung si a, Jordan lui ral ram lam min thlir tir thei tlat mai si hi a mak ang reng hle a ni. He ram pahnih, la inhre ngai hauhlo, rem tak maia a sawi kawp thei hi a hla hlutna tak pawh a ni” tiin.

Kum 1947 khan Ashtma natna chuan a tlakbuak ta hlauh mai a, leng khuaa kum 22 ro a rel hnuin, Kum 1949 June ni 17 khan
Tunah Lungngaiin kan tap
Khua a lo var hun chuan,
Lalpa ram mawiah khian
Thian kan inthen tawh lawng” tia a lo thlir thin hmunah chuan, “Lal zunleng awia lam” kumkhua turin a chawl ta a ni.

EVEREST HNEHTU – TENZING NORGAY

“Everest bulthut atanga a chhip chuan chhuah leh, tlang sang chheng chhe pui puia thuamphur hna atanga kawrchung haa tangkapui awrh tlep thatna kawng chu thui tak a ni.”
Tenzing

Tenzing Norgay(May 1914 — 9 May 1986), kha Namgyal Wangdi tih hming puin a lo piang a, Sherpa Tenzing, tia sawi a ni fo thin a, Nepali Sherpa tlanglawn mi a ni a, a naupan laiin Nepalah an khawsa thin a, a hnu lamah chuan India ramah a khawsa zui ta a ni. Khawvela tlanglawnmi hmingthang ber te zing a mi a ni a, Mount Everest chhip chuang chhuak hmasa ber pahnih zinga pakhat a ni a, Edmund Hillary nen 29 May 1953 khan an lawn chhuak a ni. Sherpa niin Nepal-ah a sei lian na a, Tibetan niin Tibet-a piang a ni thung.

A naupan zual lai chanchinah hian in hnialna tam tak a awm a. Ama chanchin a ziahna hmasa bera a ziah dan, Khumbu hmunah apiangin a seilian tih chu, kum tam tak chhung pawm a ni a. Amaherawhchu, tun hnaia zir chiannaa an hmuh dan chuan chuan Tibetan niin Kharta valley, Tibet-ah a lo piang a, Mahse, an yak vulhte hripui vanga an thih chuan an chhungkua an lo tla chhe ta a, Nepal-a Thamel a mi Sherpa chhungkaw hnenah chhiahhlawhin a awm zui ta a ni. Amah hi buddhist sakhaw vuantu a ni.

A hming dik tak chu “Namgyal Wangdi” a ni a, Mahse, a naupan laiin puithiam lal leh, Rongbuk Monastery hmingthang tak dintu , Ngawang Tenzin Norbu a thurawn angin a hming chu a thlak ta a. A hming thar Tenzing Norgay tih awmzia chu “Sakhaw zuitu hausa leh vannei” tihna a ni. Apa yak vulhtu, Ghang La Mingma chu 1949-ah a thi a. A nu Dokmo Kinzom erawh chuan Everesta lawn chhuak chu a hmu pha ve a; Amah hi unau 13 zinga 11na a ni a, a unaute hi a tam zawk chu an naupan laiin an thi.

A tleirawl laiin tum hnih zet in atangin a tlan bo a, A hmasa zawk chuan Kathmandu lamah a kal a, a hnuhnung zawk chuan Darjeeling lamah a kal thung a. Kum 19 a nih chuan Darjeeling, West Bengal-a Too Song Bhusti-a Sherpa ho zingah a inbengbel ta nghe nghe.

Kum 1930 chho vel khan Tibet hmar lam atanga Mt. Everest lawnchhuah tum British ho tlangsang a puakphur sakin tum thum a tel ve a.

Indian subcontinent-a tlanglawnna hrang hrangah a tel ve ta zel a, Kum 1940 tir lam velte phei kha chuan tuna Pakistan ram chhunga awm ta, Chitralram bawr velah te hian Major Chapman-a puiina khawsa ve reng tawh nghe nghe. Heta a khawsak chhung hian a nupui hmasa ber chu a thi a, an phum nghal nghe nghe. Kum 1947-a india ram thendarh a nih lai khan a fanu pahnihte nen Darjelingah an kir leh ta a ni.

Kum 1947a,Everest lawnchhuah tuma hlawh chham zingah a tel ve a. English pa pakhat Earl Denman leh, Ange Dawa Sherpa, leh Tenzing te chuan everest lawn chhuah tumin Tibet an lut ru a; 22,000 ft (6,700 m) an thlen chuan thli na em em mai hian a rawn nuai chiam a, Denman chuan lawn chhun zawm tawh loh mai a rawt a, an kir leh ta ngawt a ni.

Kum 1952 khan, Swiss tlanglawn, Raymond Lambert-a kaihhruaiah tum hniha tel a.Chhim lam tanga Everestlawn chhuah tuma tih tak zeta beihna hmasa ber a ni. Hemi tum hian Lambert nen hian chutih laia everest tlang lawn zinga thleng sang ber ni turin 28,215 ft (8,599 m) an thleng hial a ni.

Kum1953 khan, John Hunt-a hote zingah a tel leh a, hei hi atan chuan Everest lawn tum sarihna a ni.An zinag mi pakhat Edmund Hillary chu an buangrua phura la lawn chhoh laiin vura rawn tawlh thut mai a, khuarah a tla lut ta a. Vanneih thlak takin a hnunga rawn kal Tenzing chu a lo hnai hlauh a, a vur hrei chu vur chungah chuan a chek bur a, nghet deuhin hrui zen chu a thlung a.Khaur mawnga Hillary in sawh tur chua chhan hman ta a ni. Hemi hnu atang hian Hillary chuan Tenzing chu tlang chhip lawnna tura kawppui atana tha berah a ngai tan ta a ni.

Hunt-a pawlte hi mi 400 zet an tling a, chung zingah chuan puakphur 362 an awm a, tlanglawn kaihruai tu Sherpa sawmhnih leh bungrua 10,000 lbs zeta rit a tel bawk. Tlanglawn tum dang ang bawkin huho tha a ni.

An camp hmasa ber chu March 1953 khan an siam a. An lawn chho hret hret a, an camp hnuhnung ber tur chu South Col-ah 25,900 feet (7,890 m) zeta sangah siama . Heta tang hian Everest chhip chu an lawn chhuak dawn a ni. May 26 chuan Bourdillon leh Evans Chu tlang lawn chhuah tumin an kal a, Evans-a oxygen bawm a chhiat avangin an lo kir leh a, Everest chhim lam chhip an chuang chhuak a, Metre 91 m chiahin Everest an chuang chhuak lo a ni.
Hemi hnu hian Hunt chuan Tenzing leh Hillary te chu a tir ve leh ta thung a.

Vur sur leh thli tlehin an ni pahnih chu South Col-ah ni hnih zet a dang a. May 28-ah an chhuak ta a, Lowe, Alfred Gregory leh Ang Nyima te pathumin an pui a. 27,900 feet (8,500 m) a sangah chumi ni chuan riahbuuk an siam a. A tuk zing chuan Hillary chuan a pheikhawk chu riahbuk sirah chuan vurin a hmet khawng vek tiha hmu ta a. Bun leh theih turin darkar hnih zet a buaipui a. Chumi hnu chuan buangrua 30-pound (14 kg) an phur a, a tlangchhip chuan tur chuan an thawk chhuak ta a. A chhip chuang chhuak tur a an chetna pawimawh em em mai chu, a hnu lamah “Hillary Step” tih a niz ui ta ca, hemi tum hian lungbang pakhat Feet 40 (12 m) mai an hma chhawn a ni. Hillary Chuan lungbang leh vur khawn inkara kaw awmah chuan a hrei chua chek bur a. An lawn chho a, Tenzing chuan a rawn zui a.Hemi hnu hi chuan harsat a awm tawh lem lo. Everest chhip 29,028 ft (8,848 m) a sang, khawvela hmun sang ber chu chhun 11:30 -ah an chuang chhuak ta a.Hillary chuan ti hian a ti, “Vur mam zur maia hrei tum engemawzat kan cheh bur hnuin,a ler chu kan chhuak ve mai.”

Tlang chhipah hian minute 15 emaw vel an awm a. Hillary Chuan Tenzing a thalalk hmingthng em em mai , a vur hrei nen a lanna chua hmeh sak a, Tenzing chuan thlalakna chu a hman ve thiam loh avangin hillary chu vawikhat tal hmeh sak a han tum ve pawhin, inzirtir chawpna hmun ni ve tawh hek lo, Hillary chuan a duh lo a. Everest chhipah chuan thla a la ve ta lo a ni.Tlang chhip chu an chuan chhuak ngeia ni tih lan chian tirna hnuai lam hawi zawng chuan tum engemaw zat chu thlalakna chu an hmet leh a, an lawn chhuahna chua dera nih lohzia lan tir an tuma ni ber mai. An chhunglam chu fimkhur angai ta hle. An hnu chu vur tawlhin a lo chhilh tak vek avangin an hniak han chhui let tur awm tawh hek lo. An mi tawh hmasak ber chu Lowe a ni a,sa tui hang sa ver vawr nen a lo hmuak a ni.

Tenzing leh Hillary chu khawvel chanchina khawvela tlangsar ber lawn chhuak hmasa bera n ni ta a. hemi hnu hian India leh Nepal-ah ropui taka lo hmuah a ni. Hillary leh Hunt chu Queen Elizabeth-in pasaltha atana nemnghet a, Tenzing erawh chuan British Empire Medal/George Medalchu British sawrakr hnen atangina dawng ta thung a ni . Titia sawi dan chuan Indian prime minister Jawaharlal Nehru khan Tenzing-a pasaltha atana nemngheh tumna chu a dal a ni an ti.

Tenzing leh Hillary Everest tlang ropui tak hnehtu hmasa ber chu an ni ngei mai a, Mahse, chachinbu mite chuan tu zawk chu nge chu tlang ropui tak chhip raptu hmasa nihna ropui tak changtu zawk chu tih zawhna an la siam buai reng a, tunge a hnuhnung zawk, zuitu satliah ve mai chu ti tein. Colonel Hunt,Chumi tuma an hotupa chuan, “Team an nih angin, an thleng ruala ni.” a ti a. Tenzing Chutiang team inzawmna tha tak leh an hlawhtlinana te chu a sawi uar hle a. Min an hnuk thleng ve mai mai a ji tih chu a duh loh hle rualin, Hillary chu tlang chhip chuan hmasa zawk chua ni tih erawh a sawi chiang thung a. Ti hian a ti nghe nghe: “ Everest thleng hnuhnung zawk nih chu thil zahthlak a nih chaun, chu zahna nen chuan ka damchhung nun ka hmang dawn a ni.” Norgay hian a vur hrei-ah chuan puanzar pali- India, Nepal, UK leh UN te a phuar a, Everest chhipah chuan achek bur a ni.

Tlangchhipa tlanglawnmite thlalakah chuan Tenzing a chiah chu a lang a. Hillary chu engvanga lang ve miah lo nge a nih tih an zawh chuan, Sir Edmund chuan, “Tenzing Khan camera hman dan a thiam lo a, tlangchhip chua hman dan inzirtirna hmuna ni lo a..”tiin a chhang. Hillary leh Tenzing chu an dam chhung zawngin thiantha tak an ni zui ta a ni.

Tenzing khan tum thum zet nupui a nei a. A nupui hmasa ber Dawa Phuti chu kum 1944 khan naupangte niina thi a. Fapa pakhat an nei a, Nima Dorje. Kum li mi chauha nihina thi a, Fanu pahnih: Pem Pem, ani fapa Tashi Tenzing chuan Everest a lawn chhuak ve bawk, leh Nima a \n nei a, ani hi chuan Filipino graphic designer, Noli Galang pasalah a nei. Tenzinga nupui aphnihna chu Ang Lahmu a ni a, a nupui hmasa zawk laizawn (Cousin) a ni. Fa an nei lo na a, a fanu te chua enkawl sei len sak a. A nupui pathumna chu Dakku a ni a , a nupui pahnihna la dam laiin a ni hi chu a nei a, hei sherpa dan chuana phal a ni. Fapa pathum(Norbu, Jamling, Dhamey), leh fanu pakhat Deki an nei.

Tenzing tih hming hi Tibetan leh Tibetan-Nepali zingah hming lar tak a ni a, pu an tam hle. Tibet ram bawrah chuan he hming hi putu an tam bera ni. MIpa leh hmeichhiain an pu thei ve ve.
Tenzing khan ziak leh chhiar a thiam ngai miah lo a, tawng tam tak erawh a thiam thung. A pianpui tawng chu Sherpa emaw, Tibetan emaw a ni a, (a naupan tet atangin a pahnih hian a hmang thiam ve ve).Puitling a nih hnuah nal takin nepali a hmang thei.

Tenzing hi a hnu lamah Darjeelinga Himalayan Mountaineering Institute-ah field training director a ni zui a. 1978 khan Tenzing Norgay Adventures a din a, Himalaya velah tlanglawn an buaipui thin a ni. 2003 atang khan a fapa Jamling Tenzing Norgay chuan a company din hia en kawl chho a. Ani hian 1996 khan Everest chhip hia lo chuang chhuak ve tawh bawk.

1953 khan , Tenzing chuan Elizabeth II hnen atangin George Medal (GM) a dawng a. Nepal lal, Tribhuvan Pawhin Order of the Star of Nepal, 1st Class (Supradipta-Manyabara-Nepal-Tara) chu 1953 vek hian a pe ve bawk a. 1959, India sawrkar pawhin India rama civil chawimawina sang (pathumna)Padma Bhushan a pe a. 1978, kahn India sawrkar chuan amah chawimawinan Tenzing Norgay Award a siam bawk a ni. Tenzing hian a damchhungin chawimawina dang tam tak a dawng bawk a ni.

Tenzing chu cerebral hemorrhage vangin kum 1986 khan Darjeeling kum 71 mi niin a thi.Everest te meuh pawh lo lawn chhuak tawh mah se, Thihna zawng a hneh zo ta bik lo a ni.