2018-19 MIZORAM BUDGET

2018-19 Mizoram Budget chu Finance Minister Lalsawta chuan March ni 15, 2018 khan House-ah a pharh a. A tlangpuiin heti hian lo tarlang ila:-

I. Revenue Receipt
1. State sawrkar sum hmuhna pui ber te chu Tax Revenue leh NonTax Revenue te a ni. Kum 2018-19 chhung hian State puala Tax leh Non-Tax revenue aţanga sum hmuh beisei zat chu Rs. 807.19 crore a ni. Kum hmasa nen a khaikhinin 16.2% a pung tura ruahman a ni. Tax Revenue aţang hian Rs. 483.34 crore hmuh beisei a nih laiin, Non-Tax Revenue aţanga hmuh beisei zat hi Rs.323.85 crore a ni.

2. Fourteenth Finance Commission ruahmanna anga kum 2018-19
chhunga Devolution of Taxes & Duties aţanga sum hmuh beisei zat chu Rs. 3625.32 crore a ni a, hetah hian GST aţanga dawn tur pawh a tel a ni. Hemi bakah hian Post Devolution Revenue Deficit Grant aţangin Rs. 2588.00 crore hmuh beisei a ni a, State Disaster Response Fund aţangin Rs. 18.00 crore leh thildang aţangin Rs. 10.10 crore hmuh beisei a ni bawk. Urban Local Bodies Grant hnuaiah Rs. 27.41 crore hmuh beisei a ni a, Rs. 21.35 crore hi ULB-Basic Grant niin, Rs. 6.06 crore hi ULB-Performance Grant hnuaia dawn tur a ni
ang. ULB sum hi Municipal Corporation te hnathawh nan a hman tur
a nih angin, Aizawl Municipal Corporation hnuaia ruahmanna hrang
hrang hnathawh nana hman tur a ni.

3 . Sawrkar laipui aţanga ţanpuina, Grants for States/Union Territories hnuaia Block Grants aţangin Rs. 444.60 crore hmuh beisei a ni a, hei hian EAP te, NLCPR te, BADP te, NSAP te leh PMKSY hnuaia hmalakna tur hrang hrang te a huam. Central Road Fund, RKVY leh adangte aţangin Rs. 55.18 crore hmuh beisei a ni bawk.

4. Centrally Sponsored Scheme hnuaiah Ministry hrang hrang aţangin Rs. 1210.99 crore hmuh beisei a nih bakah, Schemes for NEC aţangin Rs.122.64 crore hmuh beisei a ni.

5. . Kum 2018-19 chhunga Revenue Receipt hnuaia sum hmuh tura beisei chu Rs. 8909.43 crore a ni. Heng sum hmuh tura beisei zinga ULB Grant te, SDRF te leh Block Grants aţanga sum hmuh beisei te hi a hmanna tur ruatlawk (tied-fund) a ni a. EAP te, NLCPR te, NEA te leh CSS aţanga sum hmuh beisei zat chiah chiah hi hmuh a ni kher lo ang.

II. Capital Receipts: Capital Receipt chuan State sawrkarin a hmalakna tur atana a sum puk te, sawrkar laipui aţanga Block loans a lak te leh State in loan a lo pekchhuah aţanga a rulhna sum tlingkhawm te a huam a. Kum 2018-19 chhunga Capital Receipt aţanga sum hmuh beisei zat chu Rs. 763.22 crore a ni a, hemi chhungah hian, Open Market Borrowings aţangin Rs. 550.00 crore te, NABARD hnuaia RIDF loans aţangin Rs. 150.00 crore te, NCDC aţangin Rs. 5.97 crore te leh RBI hnuaia W&MA aţangin Rs. 0.03 crore te beisei a ni.

Sum hmuhna tur langsar zualte:-

1. GST:- Sawrkar laipuiin Goods and Services Tax (GST) chu July ni 1, 2017 aţanga ram puma hman ţan turin a tlangzarh a. Central leh State hnuaia indirect tax hrang hrang lak ţhin te chu rawn ţhamkhawmin, GST hnuaiah hian chhun luh a lo ni ta a. GST hnuaiah hian Central Goods & Services Tax (CGST) te, Integrated Goods & Services Tax (IGST) te leh State Goods & Services Tax (SGST) te a awm a, heng zinga SGST hi State sawrkar hnuaia khawn tur a ruahman a ni. GST kalpui anih hnu hian, Finance Ministry- sawi dan chuan, Central leh State sawrkar in chhiah aţanga lakluh hian beisei a phalo a, sawrkar laipuiin State hrang hrang hmuh tura a beisei zat pawh tlin a ni ta lo a ni. GST kalphung hrang hrang te ennawn chhoh mek zel a ni a, January ni 16 aţang khan e-Way bill system hman turin sawrkar laipuiin a chhawp chhuak a, hei hian GST hnuaia tax aţanga sum kan beisei zat chu Rs. 50.00 crore a ni a, hei aia tam a ni thei bawk.

2. State in chhiah a lakkhawm aţanga a tam zawk hi Taxes on Sales, Trades, etc aţanga hmuh thin a ni a. Kum 2018-19 a, hemi hnuaia sum hmuh kan beisei zat chu Rs. 307.80 crore a ni.

3. The Mizoram Liquor (Prohibition & Control) Act, 2014 hman a nih aţangin, State Excise hnuaia sum hmuh hi a kum telin a pung chho ve hret hret a. Kum 2017-18 chhung hian Rs. 51.50 crore hmuh beisei a ni a, kum 2018-19 chhunginRs. 59.40 crore hmuh beisei a ni bawk.

4. Revenue Department hnuaia Stamps & Registration Fee leh Land Reforms aţangte leh Taxes on Income & Expenditure hnuai aţangte in Rs. 20.70 crore leh Rs. 16.20 crore te hmuh beisei a ni bawk.

5. The Mizoram Motor Vehicles Taxation (Amendment) Act, 2015 hman ţan anih aţangin Transport Department hnuaia chhiah chu a lo pung chho a. Taxes on Vehicles leh Other Taxes on Goods & Passengers hnuaia chhiah tlingkhawm tura beisei zat chu Rs. 29.24 crore a ni.

6. The Mizoram Water Supplies (Control) (Amendment) Rules, 2011 chu November ni 21, 2014 aţanga hman ţan niin, he dan hman ţan anih hnu hian Water Tariff aţanga sawrkar sum hmuh chuan pun lam pan chho tial tial in, kum 2016- 17 chhung khan Rs. 37.51 crore hmuh a ni a. Kum 2018-19 chhung a Water Supply & Sanitation hnuaia sum hmuh tura beisei zat chu Rs. 43.20 crore a ni.

7. Kum 2018-19 chhunga Electrict chhit man atanga sum hmuh beisei zat chu Rs. 196.14 crore a ni.

III. Expenditure

1. Sum hmuh aţanga sawrkarin loh theih loh a sum a senna te chu sawrkar hnathawk hlawh te, pension hlawh atan leh leiba rulhnate hi a ni. Chutih rual chuan ram hmasawnna ruhrel siamna tur Capital Expenditure lama hmang turin ruahmanna siamthin a ni bawk.

2. Revenue expenditure lam a sum hman tur a ruahman hi Rs. 7181.62 crore ni tura ruahman a ni. Revenue expenditure hian sawrkar inrelbawlna atan sum hman tur te, zirna in leh hospital enkawl nan a sum hman tur te leh sector hrang hranga sum hman tur te a huam tel a ni.

3. Kum 2018-19 chhung a State Gross Capital expenditure chu Rs. 2161.64 crore ni tura ruahman a ni

4. PWD hnuaiah kum 2018-19 atan, Improvement of Roads hnuaiah Rs. 100.00 crore dah a ni a, heng bakah hian Improvement of Internal Roads in City/Towns atan te, Community Roads Maintenance atan te, Construction of Critical Road (Thenhlum) atan te leh Lunglei Bypass road atan te Rs. 10.00 crore ţheuh dah a ni bawk.

5. UD&PA Department hnuaia Improvement of Urban Infrastructure in Cities and Town Schemes atan Rs. 80.00 crore dah a ni a, Aizawl Junction Improvement Scheme atan Rs. 10.00 crore te, Aizawl City Non-Motorized-Transport Master Plan Implementation atan Rs. 10.00 crore te, Thakthing a Multi Level Car Parking cum Market sakna atan Rs. 10.00 crore te, State Guest House, Government Transit Building leh Civil Services Club sakna turin Rs. 30.00 crore te leh Champhai Zotlang a Truck Terminal sakna tur atan Rs. 5.00 crore dah a ni bawk.

6. NEDP hnuaiah mi chanhai in leh lo neilo te khaichhuahna turin Chief Minister Rural Housing Scheme atan Rs. 10.00 crore dah leh a ni. Hemi bakah hian
Rural Development Department hnuaia Rural Housing Support atan Rs. 2.00 crore dah a ni bawk.

7. Solar Power Project hi kalpui chhoh mek a ni bawk a, Vankal 20MW Mega Solar Park leh Grid Connected Rooftop SPV Plant siam hna kalpui mek a ni a, heng Solar Power Projects te hi kalpui chhoh anih zel theih nan NEDP, P&E Department hnuaiah kum 2018-19 atan Rs. 10.00 crore ruahman a ni.

8. Lunglei Circuit House sak ṭhat nan leh Mizoram Board of School Education building sak ṭhat nan NEDP aṭangin Rs.10.00 crore ve ve ruahman a ni. Commerce and Industries hnuaiah Aizawl City Centre sakna turin Rs. 35.00 crore ruahman anih bakah Agriculture Department hnuaia Agriculture Growth Centre sakna turin NEDP aţangin Rs. 30.00 crore ruahman a ni bawk.

9. Mizoram Institute of Medical Education & Research (MIMER) atan Rs. 14.82 crore dah a ni a. Hemi bakah hian Referral Hospital, Falkawn (MIMER atana Base Hospital) tih changtlun chhoh zelna turin NEDP hnuaiah Rs. 20.00 crore dah a ni bawk.

10. Service hrang hrang hnuaia sum hman tur ruahman te chu:-
(a) Revenue Account
(i) General Services – ` 2873.23 crore
(ii) Social Services – ` 2491.45 crore
(iii) Economic Services – ` 1816.94 crore
(b) Capital Account
(i) General Services – ` 954.50 crore
(ii) Social Services – ` 496.92 crore
(iii) Economic Services – ` 737.22 crore
(c) Public Debt and Loans & Advances – ` 329.38 crore

MIZORAM LEIBA DINHMUN

Finance Minister Budget Speech atanga a landan chuan Kum 2018-19 chhunga sawrkar leiba hrang hrang tlingkhawm zat tur chu ` 7887.04 crore a ni a, heng zingah hian Market Borrowings (Market Loans and Power Bonds) te, Central Government Loans te, Special Securities (NSSF) te, Financial Institutions hrang hrang aţanga loan te, RBI aţanga Ways & Means Advances/Overdraft te leh Provident Fund (GPF, Insurance & Pension Fund) te a tel a ni. Sawrkar leiba hi a kum telin a pung chho telh telh a, kum 2013-14 ah Rs. 5608.38 crore niin, kum 2017-18 (BE) ah chuan Rs. 7177.99 crore ah a chho a. Hetiang a nih mek lai hian kan State GSDP nasa taka a ţhan chhoh ve zel avangin kan State GSDP aţanga chhut chuan kan leiba percent hi a tlahniam ve telh telh thung a, State leiba-GSDP ratio hi 2013-14 ah 54.46% a nih lain 2017-18 (BE) ah chuan 40.87% ah a lo tlahniam thei ta a ni.

KHAIKHAWMNA

Ka’n tarlan taka te khi, 2018-19 Budget atanga sawrkar sum hmandan leh hmuh dan tur ruahmanna tlangpui a ni a. A fakna emaw, sawiselna emaw pakhat mah telloin, a nihna ang angina lak chhuah a, tarlan a ni.

Budget Kaihhnawih thumal pawimawh tam tak chu, Post hmasa lamah kan tarlang tawh a. Mi tu pawh ni ila, kan budget hi kan ngaihven a, kan buaipui a, hriatthiam a, hriat ve zel tum hi a tha hle a ni.
Sum hmanna tur diktaka hman a, eiru hauh lo a, hnathawh hi a pawimawh a ni. Political Will hi kan sawi fo a, a pawimawh em em a. Administrative Will hi kan sawi uar leh ngaih pawimawh chhoh deuh deuh pawh a pawimawh bawk awm e.

Published by

admin

Ka hunawlah lehkha ka ziak thin.

One thought on “2018-19 MIZORAM BUDGET”

  1. 2018-19 Mizoram budget hi Vanglaini ah khan 9672.64 cr tih a ni a. Google ah (northeasttoday) ah chuan 9492. 38 cr a ni leh bawk sia.
    Khawi zawk nge dik ang.

Leave a Reply

Your email address will not be published. Required fields are marked *