2018 UNION BUDGET

February ni 1, 2018 hian Union Finance Minister Arun Jaitley chuan 2018 Union Budget a pharh.

Kumin Buget-in a hawi ber chu, Agriculture leh Health Care lam a ni. GST council hnuaiah Indirect Tax chu a awm avangtin nghawng a nei hran lutuk tawh lo anga, Direct Tax lamah erawh chuan nghawng a nei nual tura ngaih a ni thung.
Kumin Buget hi Loneitute, Health Care lam buaipuitute, Transport Company, Consumer Company, Tlereuh zuar (jewellers) etc ten an hlawkpui tura ngaih a ni a. Apple, Samsung, Bond Investor, Financial sector, defence sector te tan a hlawklo deuh thung turah ngaih a ni.

Ujjwala Yojna Scheme kaltlangin hmeichhe retheite tan a thlawnin gas connection vaibelchhe riat pek a ni dawn. Flagship Programme thar National Healthcare Protection Scheme siam thar a ni a, Health insurance Rs nuaih nga thlenga chhungtin tuam thei tur duan thar a ni bawk. He National Healthcare Protection Scheme hian, chhungkaw rethei zual vaibelchhe 10 a huam dawn a ni. Hei hi khawvela Health Care Scheme lian ber a ni. Agriculture market tih changtlunna atan Rs vaibelchhe sanghnih dah hran a ni bawk. Saubhagya Yojana hnuaiah Power Connection hi a thlawnin vaibelchhe li pek chhuah a ni bawk ang.
Mahatma Gandhi Piancham lawmna turin Rs Vaibelchhe 150 dah hran a ni.

President hlawh tihpun a ni a, Rs Nuaih nga a hlawh tawh dawn a, Vice President-in Nuiah li, Governor-in nuaih thum leh singnga an hlawh ang.

Smart City Programme hnuaiah khawpui 99 thlan chhuah a ni a. Senso atan Rs 2.09 lakh Crore dahhran a ni. Digital India Programme atan Cheng vaibelchhe sangthum sawmsarih Pathum dah hran a ni. Telecom Infratructure lamah Rs 10,000 Crore dah hran a ni.

Zirna lamah pawh ruahmanna engemawzah pharh a ni a. Pre-nursery atanga Class 12 thlenga hmun khata dah tumna te, Zirtirtute atana Integrated B.ed Programme te leh Blackboard kal san a, Digital Board-a zuan luh tumna te pawh budget-ah hian a tel a ni.

Government Medical College 24 din thar tum a ni a. Parliamentary Constituency pathumin Medical College pakhat zel an intawm theihna turin ruahmanna siam a ni.

National Livelihood Mission tan Rs. 5,750 crore dah a ni a, Rs. 2,600 crore chu groundwater irrigation scheme a tan dah hran a ni bawk.

Finance Minister chuan, Agriculture leh Rural Economy chu kumin Budget-in a thlir ber a nih thu a sawi a. Chunglamah hian chu lam hawi chu tlem a zawng kan sawi tawh a. Minimum Support Price (thlai leh loneih atanga thar chhuah tlawm thut loneituten an tawrhna tur laka venna) pawh tih pun a ni a. A let khat leh a chanve a tihpun a ni. Organic Farming lampang uar tum a ni bawk. Mau lam thilsiam chhuahna tih hmasawnna turin Cheng vaibelchhe 1290 zet dah hran a ni bawk.

2022 chuan, loneitute sum lakluh hi a leta a pun theihnan ruahmanna an siam thu, Finance Minister chuan a sawi bawk.

Hlawhnei(salaried employee) te tha thawh pawh Budget hian a tarlang (recognise) a. Chhiah an pek zat ringawt pawh Rs 1.44 Lakh Crore a ni.

Tun NDA sawrkarah hian Indian Economy thanna chu, 7.5 Percent a ni a. USD 2.5 Trillion Economy a ni ta bawk a, Khawvela Economy lian pasarihna a ni a, “Pangana-a kai thuai kan tum a ni” tiin Finance Minister chuan a sawi bawk.

Hetiang lo pawh hi han tarlan tur a tam mai a. Budget atanga thil pawimawh thenkhat ka han tarlang ve mai chauh a ni.

Union Budget hi Indian Constitution-ah chuan, Article 112-naah Annual Financial Statement ti a tarlan a ni a. Morarji Desai-a khan Union Budget hi vawi 10 a present a, ani hian a ti zing ber a, amah dawttu chu P Chidambaram niin, vawi kua a present a, Pranab Mukherjee-an vawiriat a present thung.

Finance Minister Arun Jaitley hi December ni 28, 1952 a piang a ni a. Thiamna lamah B.Com LL.B niin, supreme Court-ah Senior Advocate a ni mek bawk. Additional Solicitor General of india te pawh a lo ni tawh thin. 84th Amendment leh 91st Amendment kha a ma put luh a ni bawk. Asian Development Bank-ah Board of Governors-ah a tel ve mek a. Vajpayee Sawrkarah Commerce Minister te lo ni tawhin, Rajya Sabha-ah Leader of Opposition a lo ni tawh bawk.

Budget Speech-ah hian, Finance Minister te hian poetry hi an quote fo thin a. Manmohan Singh-a pawhin, 1991 a a Budget pharh dawn khan, Allama Iqbala poem a chham chhuak a. Yashwant Sinha te, P Chidambaram te, Pranab Mukherjee te pawh khan Poetry chi hrang hrang an lo chham tawh thin. P Chidambaram pawhin Tamil Literature ropui, Thirukural atang pawhin a chham chhuak tawh a. Pranab Mukherjee pawhin, Shakespeare-a hla te pawh a lo chham chhuak ve tawh thin. Amah Arun Jaitley pawh hian, Kum dangah pawh poetry a chham fo thin a. Kumin chuan, Poetry chham chhuak loin, Swami Vivekananda thuziak, Memoirs of European Travel tih atangin he thu hi a la chhuak thung a ni

“You merge yourselves in the void and disappear, and let new India arise in your place. Let her arise – out of the peasants’ cottage, grasping the plough; out of the huts of the fisherman. Let her spring from the grocer’s shop, from beside the oven of the fritter-seller. Let her emanate from the factory, from marts, and from markets. Let her emerge from groves and forests, from hills and mountains’’.

Published by

F Vanlalrochana

Ka hunawlah lehkha ka ziak thin.

7 thoughts on “2018 UNION BUDGET”

Leave a Reply

Your email address will not be published. Required fields are marked *