KHUSHWANT SINGH-A TITI HLIM TAKA REI TAK DAM THEIH DAN KAWNG

Kum 98 mi a nihin, Khushwant Singh-a khan, Khushwantnama The Lessons of my life tih a ti chhuak a. Chuta a thuziak pakhat ‘Hlim taka rei tak dam theih dan’ tih chu mizo tawngin ka han dah chhuah a ni.

1. Infiamna engemaw tal ti rawh. Tennis a ni emaw, squash a ni emaw, badminton a ni emaw, Golf a ni emaw. Insawizawi thlahthlam lo la. darkar chhut kawnga chak deuh hleka kal emaw, tui hleuh emaw, tlan emaw pawh a tha vek mai.

2. A chunga mi khi engmah i ti thei lo a ni pawhin, Massage tal ti ang che. Nikhatah vawi khat tal. Taksa atanga lu thlenga kut tha chaktakin min han khawih vel hian thisen kal vel a siam tha a ni.

3. Chaw ei tlem la, zu in tlem la. Khawng takin chaw ei dan kalpui than nei ang che. dar 6:30-ah Tukthuan ka ei a. Chhunlai takah chaw chhun, zan dar 7:00-ah zu ka in a, zan riah dar 8 ka ei. Zingah thei tui engemaw in thin la. Guava tui hi a tha ber.

4. zanriah i ei hmain, ‘Tlemte ei ang che’ tiin in hrilh thin la. Mahni a ei a, ngawi renga ei hi a tha.

5. Sa leh thlai ei bik nei ang che.

6. Pum nuam lo leh ti teuh tohin awm miah lo ang che. I pum tih nawm na tur a nih chuan, laxatives leh thil dang pawh hman mai tur.

7. Pawisa hman loh, hman theih reng tur dah tha reng a ng che. Bank-ah balance mumal takin awm sela. Vaibelchhe tela neih angai lo e. Hmalam huna mamawh thuta hman tur, hriselna lohna leh harsatna lo thleng thut theia hman tur neih reng tur a ni.

8. I thin butut ti chhuak lo la. A tam thei ang ber nui ang che,

9. Dawt sawi suh.

10. Thil phal la, mi dangte hnenah thil pek ui ngai suh. I rilru hahdamna a pe ang che.

11. Hobby tha tak nei ang che, pangpar chin emaw, Rimawi tum emaw, tanpui ngaite puihte pawh a ni thei. I hun hmang tha la. I ngaihtuahna leh i kut chawlh tir suh ang che.

A ziah zawng zawng leh a ziah dan ang ngau ngauin ka dah chhuak lem lo a. Mizo nun ze mil leh kan tana tangkai tur chin ka han dah chhuakin, ka siam rem a ni.

Kum 95-ah The Sunset Club tih novel a la ziak thei a. Delhi khawpuia Lodhi Garden-ah putar pathum tlai ni tlak dawnin an titi ho thin a ni. Kum 98-ah pawh lehkhabu ngaihnawm tak a la ziak thei a ni. Hriselna leh damreina chungchang a sawi hi, a pawmawm thawkhat tur a ni.

MAHNI ZAHAWMNA HUMHIM

India ram constitutional post chelh pha te zinga chanchin ngaihnawm ka tih ber pakhat chu RVS Peri Sastri-a chanchin kha a ni.

Giani Zail Singh thlaktu tur President thlan dawn laia Chief Election Commissioner kha a ni a. President thlanni tur chu Home secretary buaipui tur a ni a. Security thil an en fel vek hnuah hemi ni hi a tha ang tiia thutlukna siam tur an ni a. CEC chuan Inthlan ni tur atan ni pa 3 rawtna a nei a, chung zinga pakhat chu thlan tur a ni a. Union Home secretary chuan Home minister leh Prime Minister a rawn hnuin President thlanni tur chu an ti fel ta a ni. Chu chu CEC chuan Gazette-ah a chhuah tir fel ta thlap a!

Chutianga Gazette-a a chhuah hnuah chuan, Home Secretary chuan PMO atangin phone call a dawng a. Inthlanni sawn PM in a duhthu an rawn hrilh ta mai a. Home secretary chuan, thil theih a nih tawh loh thu a lo hrilh a.

A tukah chuan Home secretary chuan Sastri a hnen atangin phone call a dawng a. Sastri chuan, Inthlanni tur chungchangah khan PM a rawn lo em ni tih hi a zawt ta a. Home secretary chuan a rawn thlap thu a lo chhangin, engatia chutiang thil chu zawt ta nge a nih thu a zawh let chuan, Sastri chuan a hma zana PMO atanga call a dawn thu te, Inthlanni sawn tura an tih leh a theih loh zia a lo hrilh thu te, inthlanni sawn a nih chuan Governor atan ruat a ni ang an rawn tih thu a sawi ta a ni.

Prime Minister chuan constitutional authority zahawm tak mai chu dan bawhchhe turin a thlem a nih chu! Chung thlemna chu Sastri chuan chiang takin a hnar a. A lawm lohna ber chu thlem theiha an ngai leh chutiang thlemna a hmaa an tawktarh chu a ni.

Thil phenah PM meuhin inthlanni sawn tumin bei zui mah se, Chief Election Commissioner chuan India ram dan zahawmna humhimnan a tang kawh tlat a. President thlanna chu a tira an ruahman sa, Gazette a chuang ngeiah chuan neih a ni a, Venkataramana chu chiang takin thlan tlin a ni ta a ni.

Sastri-a chu zahawm takin a chawl a, constitutional post zahawmna humhimin ama integrity vawng him zelin a hna a hlen thei a ni.

Sastri-a te ang hi kan hnamin kan mamawh em em a ni.

Keini zawngin, Thawkrim siloa nawm kan tum a, mahni taksa leh nun uluk siloin hrisellohna leh natna thalo laka fihlim kan tum a, hriatna thuk nei siloin a sawi zau ber zinga tel kan tum a.

Harsatna hmachhawn loin bihruk san kan tum a. Rinawm leh dik taka beiloin kawng awlsam kan zawng a.

Thiam nei siloin mi ngaihsan nih kan tum a. Hlutna nei siloin larna kan zawng a!

I harh teh ang u. Rim taka thawka kan thawhrim rah ei te, uluk taka mahni invawnga kan nun hlim taka hmang thei tur te, rinawm leh diktaka kan chan ve tur reng chang turte hian nung ila, Chapo siloa mahni inhlutin awm ila. He hnam hian awmzia a nei ngei ang!

Kan khawvel zimteah hian kan inkhuallem luih luih mai a!

Lehkha kan zir zawhah, hna kan hmuh vek hnuah kohhranah inhmang chauh ila, khawtlangah te hian tel ve chauh ila.

Mizo hnam hi tu kutah nge a awm ang le!

Tunah phei chuan Mahni eizawnna thulh hi kan sawisel nasa si a. Kan eizawnna a kan hun hman zawhah chauh mi dangte tan leh kohhran leh khawtlang tan kan hun hi pe bawk chauh dawn bawk ila.

Eng hnamah tak chuan chhuak ang i maw..

Hnam hlim lo tak, hnam him lo tak, hnam inkawm ngeih lo tak, hnam mahni hmasial tak kan ni leh zual ngei ang.

Tunah hian kan tha em em lem lo a. Chutianga kan awm chuan, tun ai hian kan thasawt chuang hek lo ang.

Politics te hi mi dang kutah kan dah tlat a, mi dangte siamthatturah kan dah a. A chhunga lutte ring bawk silo, lut tharte ngaisang chuang silo, mahni luhtum bawk siloin kan awm a. Tu tih atan nge ni kan tih thin ni?!

Mi dangte tana hun hmang a, Pathian biakna hun insiam a, kohhrana rawngbawlna a te tangkai tum ila, kan hnaah theih tawp chhuah bawk ila. Hnam tana hun hmang theiin hun hmang bawkin, khawtlang tana tangkai thei tangkai bawk sela…

Hnam duhawm zawk kan nih ka ring e…

VANAPA COLLEGE – THANPUII PA

(Vana Pa College hi thanpuia Pa ziah a ni a. Internet-ah ‘Thanpuii Pa Kutchhuak’tih bu a soft copy an upload a. A hawrawp kim lo leh ‘corrupt’nuaih mai a ni a. Tu tan maha han chhiar tlak reng reng a awm lo a. Chumi atang chuan ka la chhuak a, ka edit leh a. Tihfuh tawk loh chu a awm mai thei e. Mizo Thuziak hmasa Internet vela hmuh tur awm lote hmuh theiha a awm na tur hi he website buatsaih chhan a ni a. Thuziak dah lut duh kan awm a nih pawhin, kan indah luhsak thei reng a ni.)

KHAWNGE kan thian thenkhat vai rama lehkha zirte pawhin an College chanchin an rawn ziak kha, kei pawh kan College chanchin ka han ziak ve hlek teh ang. Mahni zirna College apiang hi tha bikah kan ngai deuh thinin a lang a; mahse tun tumah hian kan College thatzia chu hleihluak taka uar ka tum lo, a nih dan ang chiah ka sawi zawk dawn a ni.

Ka la zir sang lo hle a. College ka sawn
deuh dum avangin College tha leh tha lo khaikhin dik thei hle pawhin ka inhria. Tuna ka zirna nen hian College pali lai ka kaina a ni ta. Matric ka pass hlim hlawta ka kaina College chanchin chu ka kal rei loh avangin a chanchin sawi tur ka hre lo a, thla leh lamah rawn ziak zawk
ila. Tin, vai rama ka zirna College chanchinte pawh ka thianten an rawn sawi tawh avangin ka sawi dawn leh tun tumah chuan tun laia ka zirna College chanchin tawi rawn sawi ka duh a ni.

Chu College chu in hre ve chawk ang a, a
hming chu “VANA PA COLLEGE” a ni. Mizoram khawi laiah hian emaw a awm a. Mizoho thawhlawma sak, S’awrkar hriatpui (recognised) a ni. In lianpui mai a ni a, Mizorama inah chuan a lian ber awm e. Cotton College te, M.C. College te ai pawhin a lian zawk daih a ni. Thlawhtheih-na ang deuha thla nei vua sak a ni. Tlangthengthaw deuh, zawl zau taka sak a ni a, kawng tha tak takin a chhun nek nuk a, thirsakawr leh motor dahna hmun bikte pawh a awm vek a, a zawl tawp kotlang zelah chuan far thing, hniam tawi laih chi mawi takin an phun chhuak vek bawk a.

A College in chhungah chuan pindan pawh a tam kher mai. Thut khawmna leh infiamna pindan(common room) tc, lehkhabu dah khawmna pindan (library) te a awm bawk a. Thut khawmna pindanah chuan Vana Pa lim (statue) tangkarua (silver)a siam te an dah a; tin, amah Vana pain a lo phuah tawh, he College thuvawn (motto).l“MAHNI ANGIN THENRUALTE” tih a dumpawla ziak chu a chuang bawk a. Infiamna chi hrang hrang in chhunga tih mi (indoor games) te pawh a awm famkim hle mai.

Lehkhabu dah khawmna pindanah chuan lehkhabu chi tin reng deuhthaw a awm a, chungte chu duh duhin kan chhiar thei a. Chung zinga lehkhabu lar deuh leh kan chhiar zin deuh te chu, “Awithangpa Hlabu” bu 7 (volume 1-7) te, “Taitesena Rammut Bu,” lianpui te, Zikpuii Pa lehkhabu “Boruaka In Sak” te leh a hla, “Sakhmel Hmun loh” bu 5 (volume 1-5) te a ni. Chu lovah chuan ni tin chanchin (daily papers) tam tak a awm a, chung zinga lar deuh leh ni tina kan chhiar thinte chu, “M.Z.P.” te, “Mizo” te, “Zoram Thupuan” te, ‘’College Union” te, “Mizo Nula leh Tlangval” te leh “Thlawhhma” te a ni.

Tin, I. A. atanga B.A. thleng zirna. Honour
subject nen kim biaiin a awm a. English, Philosophy, History, Economics leh thil dang tan’ tak zir theih a ni. Science laniah chuan I. Sc. atanga B.Sc. thlenga zir theih a ni a. Honours subject pawh Mathematics, Physics, Chemistry, Biology-ah te a awm bawk. Post Graduate, B.T. leh B.l . a awm nghal bawk a. Kan pawlah chuan zirtu 550 lai kan ni a. College pumpuiah chuan zirtu 5,500 lai kan ni awm e.

Kan Principal chu lehkha thiam tak, subject pahniha M.A. pass a ni a, thiamna dang tarn tak nei, Doctor hial tlinga ni. A lehkha zir lai chuan Sap ramah Oxford-ah a zir thin a. Science pawh thui fc thleng a zir avangin a thiam hle. Amah chu tlangval a la ni nghe nghe a, mi zaidam tak leh taima tak mai a ni. Mahni hnaah chuan theihtawp chhuaha bei mi a ni a, he College thuvawn hi chawisang em em a, initsikna leh inhnuaichhiahna tihbo tuma bei vak mi a ni. Lehkha thawn duhte in awm chuan, a hming leh a thiamna hetianga ziak tur a ni, “Dr P. Khuangchera, M.A. Ph. D. (Oxon), B.L. Vana Pa College.”

Zirtirtu (Professor) pawh tam tak an awm a, an hming sawisen an ni lo ang. Professor lar deuh deuhte chu. Dr. Buizova te, Dr. Thasiama te, Prof. Mualzavata te, Prof. Pi Hmuaki te Ieh Prof. Lianchia te an ni. Lehkhathiam tak tak vek an ni a, zirtir an thiam chang ni lovin, ram tana thahnemngaia bei an nih avangin kan College hi an ti hmingtha hle a ni. Kan College hi exam naah te pawh kan ti tha hle thin. Tun hma lam kum nga lai atang khan University exam-naa a sang ber berte chu kan College-a mi an ni ziah thin.

Infiamna lam pawh kan uar ngawt mai. Pu Chhura Cup inchuhnaah pawl ‘(team) dang zawng zawng kan hneh hnuin hmanni lawk khan “Taitesena College’’ nen final kan khel a, kan Cup lakchu ropui takin kan lawm.

Sawi tur tam hle mah se lo tawk tawh rih
sela, College chanchin ringawta MZP tih khah hi ning fe fete pawh in lo awm thei a. Mizo High School chanchin set pui put a lo chhuah lai te pawh khan, a ziaktuten ziak taimain ziah ngaihnawm hie mah se ninawmah a kal lek lek thin bawk a. Tuna kan thuziak pawh hi a sei ta em a, ka tawngkam thlum leh tawng mawi pawhin a daih si lova, in ning hle ang tih ka hlau ta.

Peh hel peh hel lovin, “Vana Pa College” hi a tha a ni ka ti dawt mai e. Thla tin fee pawh Rs. 51- chauh ani, zawm rawn tum theuh rawh u khai.

Thlang Sappui nun zirna run riai ruai,

Vana Pa College Alzawl tlanga ding tur lem,

Tawnmang rauthlaah ka lo hmu e.