HMUN KHAWHARAH PATHIAN…

Biak In…

 

Ma Durga betute Temple hmingthang tak awmna hmun, Deopani-ah Kristian chhungkaw li lek an awm ve a. Karbi Anglong Presbyterian church hnuaiah Fellowship pakhat angin an awm ve a. Vawiin (ni 5-02-2017) khan kan va inkhawm ve a ni.

Deopani biak in hmun petu Joysin-a nena kan thlalak
Deopani biak in hmun petu Joysin-a nena kan thlalak

Joysin-a (Thla ka lakpui hi) hian, an chhungkaw ram a pe a. A mau zawng zawng a thlawnin Biak in sak nan hman a phal char char a, ama balu pawh a remchan dan angin a thlawnin a thawh mai zel a ni.’

Joysin-a hmun pekah hian, ka Company Alpha Company of 3rd IR Battalion , Assam in Biak in hi kan sa a. Kan la zo fel lo deuh a. Thutthleng leh Pulpit te kan la siam mek. Inkhawm dawn apiang-in, Joysin a te hian an chhungkaw chair awm ang ang an keng phei a, banah an seng fel leh a. Khuang a rawn keng a, amahin a vaw bawk a.

Thu tawite sawina hun min pe a, Pu Lalramnghaka, helai bialtu Evangelist Tecaher-in tawn

Tawng lettu, Pu Lalramnghaka, Missionary
Tawng lettu, Pu Lalramnghaka, Missionary

g min leh sak.

Mi 10 pawh inkhawm an tling lo a. An zai ring em em thung a. Biak In lian lo takah pawh, thawl em emin an inkhawm a. An tihtur ang ang an ti kim ve thlap bawk a. A hmuhnawm ka ti a ni. Kha hmun khawhar takah khan Pathian a awm.

Inkhawm chhungin Karbi tawng thumal pathum, Hemphu=Lalpa, Arnam= Pathian, leh Avi=Thisen, tih ka thiam hman.
Joysin-a hian, an chhungkaw ram tha zet mai chu a pe a. A neih dang zawng zawng pawh a ui lo. Chhungkaw awm thei an ni bik lo a, Luia balu la chawp an ni a, chu’ng chu an zuar thin.

Kan haw lehna kawngah, KHB 181-na chang tawp ber ka rilruah a lo awm a.
TinBiak in kawt, Lalthutthleng hmaan.
Thiama ka din hun chunin,
Chhandamtu ngilnei chuan,
Lallukhum min pe ang” tih kha ka rilruah a lo awm a. Joysin-a hi, Lalthutthleng hmaa thiama a din hunah, a lawmna a va sang dawn em! ka ti a.

Published by

admin

Ka hunawlah lehkha ka ziak thin.

3 thoughts on “HMUN KHAWHARAH PATHIAN…”

Leave a Reply

Your email address will not be published. Required fields are marked *