HNEH THEI LOH NUN KA NEI

lalrualiKHB 400 na, Hneh theihloh Nun ka nei, tih hi Kristian hla ropui tak a nih hi! Lalruali hla phuah kan ti liam mai zel a. Nih pawh a ni a, a thluk hi Rokunga siam a ni tih pawh kan hria a. He hlaah kher kher erawh hi chuan Rokunga hian a thluk a lo siam sak satliah a ni ngawt lo.
1965 khan Rokunga chu Durtlang Hospital-ah damloin a awm a. Chumi tum chuan Hla thluk hi a dawng nawlh mai a. A hla thluk chu part liin a ziak chhuak nghal a. A thu phei chu a nei lem lo.
Hetih lai hian Lalruali’n, Hneh theihloh Nun ka nei, tih hla thu chu a lo ziak/phuah chhuak hlim hlawl ve bawk a. Rokunga hian, 1958-ah “ka Chenna Ram thlaler a ni” tih hla thluk hi a siam sak tawh avangin Rokunga hnenah chuan ‘Hneh theihloh nun ka ne” tih hla thluk pawh chu siam sak ve leh turin a ngen ta a. Rokunga chu damdawiin a awm ve tho a nih avangin, a ngaihsak zui rih lem lo a.


rokungaNi enge maw zah hnuah chuan Rokunga chuan a chunga sawi tak ng khian hla tthluk hi a dawng hlawl mai a. A ziak chhuak ta a. A tukah chuan, Lalruali hnenah chuan, “khawi maw , hmannia i hla kha a thu min lo hmuh leh teh” a ti a, an ha khai khin chuan, lalruali hla thu leh Rokunga hla thluk chu a lo inhne rem chiah mai a ni. Chutiang chuan, 1965 khan Mizo Kristian Hla ropui tak pkhat chu a lo piang chhuak a ni.
“Hneh theihloh nun ka nei” tih hi Lalruali hla a ni bik lo a, Lalruali leh Rokunga hla a ni a. Kan zavaia ta a ni.
Lalruali chanchin leh a harsatna tawh dan te, he hla thu nena a nun a inhmeh em em dan te pawh hre lo kan awm nawk ang a???
Hneh theihloh nun ka nei
Lal Isua min pek kha…

LALRUALI: Pi Lalruali hi Kum 1924 February ni 13 khan Sihfa khuaah a lo piang a. Naupanlai atanga mi hlim thei tak leh rual pawl thiam tak a ni a. Lehkha pawh thiam thei ang reng tak anih avangin 1936 khan Pawlthum Scholarship hmu phak ngei turin a bei a; mahse January thlaah a khup a lo na a, a vung a, a khuate a sik a, a khum bet chu ani ta reng mai a.

ROKUNGA: Mizo hnam hla, ‘Aw nang kan lal kan Pathian’ tih phuahtu, Mizoram leh a mi chengte nun tihhlim kawnga hlaa chawitu Rokunga hi February 20,1914 khan Venghluiah a lo piang a. A pian ni leh State kan neih ni leh thla a inthuhmun hi Mizo Hnam Hla phuahtu ni awm renga piang nia ngaih theih a ni. A nu leh pa Thangluta leh Zaliani hian nau an dam thei lo hle a. He ni taka fa an neih hi an kawmthlang pitar in, ‘Hei zet chu in chhungkaw khaidingtu ro a nih hi,’ tiin a hmingah Rokunga a sa a.

Middle sikul zovin a nu leh pa te hnathawh a pui a. Kum 1931 atangin The Loch Printing Press (Tuna Synod Press)-ah thawkin, chang dang kan lovin dam chhung hnaah a neih a. Kohhranten kaihlek hla an huat em em thlakna turin thalaite tana hla 5 tha tak tak a phuah a. A hlaah hian thu har zep lovin, thinlung khawih taka thu hman a thiam thung.

Chung siar lungmawl mah khian,

Nunna eng nei rawh min lo ti;

Ngawi rengin tawng lovin chet danin,

I eng ve ang u….

a ti thlawt mai a ni.

A hla, Kan zo tang ram nuam tih phei chu Assam Rifles Band Party kalrem nan hman a ni nghe nghe. ‘Rokunga Lungdawh’ hi Rokunga memrial Society leh Aizawl Developement Authority tangrualin Aizawl City Park-ah an dawh a. Chutah chuan a lim an dintir a. 15th Aug.2008 khan Chief Minister, Chairman, ADA ni bawk, Pu Zoramthangan a hawng a. Rokunga hi Century Poet atan thlan a ni. He ni hian Mizo nih tinuamtu Rokunga tih lehkhabu Rev Lalsawma’n a tlang zarh ani.

Thalaite ngainat zawng leh hnam tana rohlu tam tak min hnutchhiahtu Rokunga hi July 12th 1969 tlai dar 10: 15 khan Lentupui chawi vel chhumina a bawm Zoram nuam leh duhawm pawh hi thlahlel zo lovin, Hlakungpui kal hmasate fin turin a kal ve ta a ni.

A natna lah chu, Doctor ten an han enchian chuan ‘ruhnget’ chi a lo ni lehnghal a, Durtlang Damdawiinah a kuma kum tam enkawl ani chung pawhin a dam tha tak tak thei lo a, Wheel Chair a hman deuh reng alo ngai ta a ni. Chutiang chuan, Pian tirha naupang hrisel leh harhvang tak ni si chu, ke nei reng chunga kal theilo, Wheel chair-a thut deuh reng ngai leh midangte bawihsawm ngai renga a awm chung pawh chuan, a thlarau nun erawh chu hrisel tha pangai tak ani reng thei tho a ni.

Pi Lalruali hi kum 2001 September ni 3 khan Lalpa hnenah a chawl ta.

Novel pakhat a ziak a, ka hre chhuak mai thei tawh lo.

A hla pathum- Ka chenna ram thlaler a ni Lalpa, Hneh theih loh nun ka nei, Hun kha leh chen min kaihruaitu tihte chuan mi hriat a hlawh hle. A hla pahnih hi Rokunga’n a thluk a siam sak a ni a, a pathumna hi Dr. Ramdinthara Sailo chuan a thluk a siam sak a ni.

Published by

admin

Ka hunawlah lehkha ka ziak thin.

Leave a Reply

Your email address will not be published. Required fields are marked *