‘KHAWNGAIHNA MAK’ KA SAWI NIN LOH CHU

john newton
John Newton-a, Pathian Khawngaihnain a hruaia chu

(Sala sumdawng thin mi sual tak khan, Thisen luia silfaina a lo chan takah chuan Pathian Khawngaihna chu fiah takin a lo hmu ta a ni)

“Amazing Grace” hi khawvela kristian hla (Hymn) lar ber pawl a ni a, English pachal John Newton-a phuah a ni. Newton’sOlney Hymns (1779) kha mipui hmuh theiha pho chhuaha a awm tanna a ni.

Mizo tawnga kan hmuh ang hi Newton-a phuah dan dik tak a ni lo nasa a, mizo tawnga a chang lina phei hi chu a phuah a ni lo hrim hrim. A hnuaia mi hi, Newton-a phuah dan chu a ni:

Amazing grace, how sweet the sound
That sav’d a wretch like me!
I once was lost, but now am found,
Was blind, but now I see.

’Twas grace that taught my heart to fear,
And grace my fears reliev’d;
How precious did that grace appear,
The hour I first believ’d!

Thro’ many dangers, toils and snares,
I have already come;
’Tis grace has brought me safe thus far,
And grace will lead me home.

The Lord has promis’d good to me,
His word my hope secures;
He will my shield and portion be,
As long as life endures.

Yes, when this flesh and heart shall fail,
And mortal life shall cease;
I shall possess, within the veil,
A life of joy and peace.

The earth shall soon dissolve like snow,
The sun forbear to shine;
But God, who call’d me here below,
Will be forever mine.

He hla phuahtu, John Newton hi kum 1725 khan Wapping, England-ah a lo pianga. A tleirawl zual lai chuan a sual kawi sawi thin hle. Buai thlak thin tak a ni.Tlangval sual han tih hian a sawifiah pha lo.

Lawng sipaiah hun engemaw chen a tan hnuin, Newton chuan sal lama sumdawnna a luhchilh ta thung a. Tumkhat chu tuipui chunga lawnga an chuan laiin thlipui nasa tak mai hian a nuai a, chu chuan a nunah danglamna a rawn thlen tan ta a ni. An lawng chu a himpui hram na a, thlipuiin a nuai lai chuan a nun baih vaih zia a hre chhuak a, chhantu a lo neih loh zia te, Pathian khawngaihna chauhin a chhan thei a ni tih a hre chhuak ta a. Thomas à Kempis’-a lehkhabu ‘Imitation of Christ’, a chhiar atangin piantharna kawng a zawh tan ta a ni.

Heng a thil tawn te bakah Kum 1750-a Mary Cartlett nen a inneihna chuan Newton-a chu a ti danglam ta vek a ni..

A nupui neih hnu kum thum velah chuan, Newton chuan stroke a nei ta hlauh mai a, tuipuiah a kir leh thei ta lo a; Hei hi a piantharna kawnga thil pawimawh tak niin a sawi. Liverpool lawngchawlhnaa Customs Office-ah hna a thawk ta thunga, Kristianna chu a hre chiang leh zual sauh a. Kristianna lama a rilru a pek chhoh tak tak lai chuan, Rawngbawl tura kohna a dawng ta a. Newton chuan University Degree-a neih loh avangin tihdan phung pangaia Pastor tura nemngheh theih a ni lo. Mahse, Olney bial neitu chuan Newton a piantharna chanchin chu ropui a tih em avangin, a ram chhunga kohhran enkawl hna chu Newton-a kutah chuan a hlan ta a, 1764 June thla khan Newton-a chu Olney bial chhung Kohhrante enkawl turin nemngheh a ni ta a ni.

Olney hmunah hian, Poet ropui tak mai William Cowper- nen an intawnga, ani pawh chu Piangthar hlimte a ni. An inthian thatna chuan thlarau lamah hlawkna nasa taka a pe a, “Amazing Grace,” a rawn hring ta a ni. A hla thu hi Kineton, Warwickshire-ah, Kum 1772 krismas lai vela a ziah ni awma ngaih a ni.A hla hi Thuthlung hlui lama Bible chang hmanga thusawi tuma a inbuatsaihna leh, Greyhound hmuna sala a sumdawn lai, 1748-a lawng chhunga a pian thar lai te nen hmehpawlh tel in a lo phuah chhuak ta a ni..

Newton’a hla chu kristiante hla duh ber a lo ni chhota a, Pathian khawngaihna thurin chu tawifel leh fiah taka a rawn khai khawm vang a ni pakhat bawk. A hla thu hi 1 Chronicles 17:16-17, a lal Davida’ tawngtaiin Pathianin amah leh a in a thlang tlat mak leh ropui a tih thu a chhamchhauh behchhana a siam a ni. Kum 1773 a kumthar Sermon puitu atan he hla thu hi a ziak chhauak ta a ni. A sermon ziah chhuah hmingah chuan, ‘Rinna-ennawnna leh beiseina’ tiin a vuah nghe nghe.

Mihring zalenna leh dikna chanvo buaipuitu (Human Rights Activists), Kristian leh Kristian lote hla duh ber a ni chho ta bawk, Sala sum dawng thin inhmuh chhuahna hla nia an ngaih vang bawk a ni..

American Civil War lai pawh khan chhim leh hmar sipaite zingah a lar ve ve hle a ni..

CHANG DANG

Harriet Beecher Stowe-i khan a novel ‘Pu Toma inah khan’ hla chang thum- Hla pakhat ni awm tak a tarlang a, Chang hnih chu khawngaihna mak chang lak chhuah a ni a,a pathumna chu hei hi a ni:

When we’ve been there ten thousand years,
Bright shining like the sun,
We’ve no less days to sing God’s praise
Than when we first begun.

Mizo tawnga Dr RK Nghakliana’n a lehlinnaah khan a chang tawp bera mi kha a ni a, John Newton-a hian a phuah tel lo a ni.

Hemi chang hi a mumal lo hle a, ‘ka’ tih aiah, ‘kan’ tih te a ni nuaih chung hian Amazing Grace hla an sak apiang in an sa tel ve ziaha, a phuah tel loh ber hi a lar ber zawmah ta a ni. Hei hi hla siamtu leh Publisher, Edwin Othello Excell-a vang a ni pakhat.

Hemi chang hi John P. Rees (1828-1900), phuah nia sawi an awm fo a, thil dik thei lo a ni. Kum 1790 khan lehkhabu-ah a chuang daih tawha, Kaphleia hlapui lehlin lar tak “Jerusalem, ka in ropui” chang pakhat a ni thin a , Pu Toma In thawnthu bu tih chhuah anih lai vel pawh hian , “Jerusalem, ka in ropui” hla chang pakhat anga la ziah a ni thin a, a hla thu nen pawh hian a inhmeh zawk hle..

A THLUK

A hun laia Pathian hla dangte ang bawkin thluk hrang hrang hmanga he hla hi sak a ni phawt a, tunah a thluk atana rin tak ber “New Britain” hi a lar ta ber a ni. A thluk siamtu hi hriat a ni lo a. William Walker-a ‘Shape-note tunebook Southern Harmony’, 1835 ami ah kha a chuang a ni.

“New Britain” hi shape note hymnal angin Kum 1829 atang khan alang tan a, Columbian Harmony buah a lang hmasa ber. Scottish emaw, Irish emaw atanga lo kal nia ngaih a ni a; pentatonic Scale a nih avangin, bagpipe hman a kawk nghal run a ;he hla hi bagpipes hmanga tum a ni ta fo reng a, a hnu phei chuan an inzawm nghet ta hle a ni. He hla thluk hi, siam rem a nih hnu phei chuan ‘Khawngaihna mak’ hla thluk awm reng a lo ni ta a, kum zabi sawmhnihna tirlamah hla bu hrang hrangah an chuan tak hlawm avangin, hemi hla thluk nen hian a lar ta ber a ni.

“Old Regular Baptist” thluk te, ‘ House of the Rising Sun’ thluk hmang te pawhin a lar viau mai.

A hla hi mawi taka awmsam tak sia siam rem a awlsam em avangin zaithiamte’n an sa nasa tawh hle. A thluk bulthut tha deuh a nei a, zaithiamte hian a thu tlem belhin , a melody te tlema ti danglamin, an zai duhdan leh an style mil tura siam rem mai theih a nih thin a vangin he hla hi zaithiamte pawhin an ngaina hle a ni.Kum zabi liam ta chhung khan, chi 1800 chuangin recording neih a ni tawh. “Amazing Grace” hi Brunswick Records-in an record hmasa ber a, Kum 1922 a an tih chhuah ‘ Sacred Harp songs’-ah khan a tel ve a ni.

Thu lakna te:

1. “The Creation of ‘Amazing Grace’”. Performing Arts Encyclopedia. Library of Congress.

2. Harriet Beecher Stowe, Uncle Tom’s Cabin Ch. XXXVIII (1853)

3. Richard and Andrew Broadus (or Broaddus), A Collection of Sacred Ballads (Virginia, 1790)

4. John Putnam, Conference Melodies, or Songs of Zion (New York, Edward H. Fletcher, 1853), “Jerusalem my happy Home”

5. All Music Guide search (allmusic.com).

6. “Sound Recordings of ‘Amazing Grace’ in the LC Collections”. Encyclopedia of the Arts. Library of Congress.

Published by

admin

Ka hunawlah lehkha ka ziak thin.

Leave a Reply

Your email address will not be published. Required fields are marked *