KRAWS HLUN

Kraws Hlun hla phuahtu chu
Kraws Hlun hla phuahtu chu

George Bernard-a chu, Youngstown, Ohio-ah a piang a. A pa hi George Russell Bennard a ni a, a nu chu Margaret Bernard a ni. Chumi hnu reiloteah Iowa state-a, Albia-ah an pem a, hemi hnu hian Iowa ram chhung tho Lucas-ah an pem leh a. Heta an awmlai hian Bernard-a chuan Lal Isua chu a chhandamtu a tan a pawm a. A pa George Bernard-a ve tho chu kum 49 mi niin a thi thut mai a, kum 16 mi chauh niin chhungkua a enkawl chho ta a ni. Kum 24 mi a nihin Salvation Army Officer-ah a lut a. Bernard-a leh a nupui hmasa zawk pawh heta in tawng hi an ni. An nupa hian he pawlah hian Officer niin kum eng emaw zat rawng an bawl a ni.

A hnuah Methodist kohhranah a lut a. Methodist Episcopal Kohhranah rawngbawltu lang sar tak niin a hun zawng zawng chu rawngbawlin a hmang a, kan rama harhna lam hawi rawng kan bawl ang deuh hian rawng bawlna te kalpuiin a buai thin khawp mai. Michigan leh New York State velah a bei nasa zual a.

  1. George Bernard-a hi kristian hla hmingthang ber te zinga mi, khawvel hmun hrang hranga kristiante hla ngainat ber pakhat ‘A saw raltiang tlangah’ tih amahin a thupui a, “ Kraws hlun tak”, ‘The Old Rugged Cross’ a vuah phuahtu hi a ni.

Tum khat a rawngbawlna atanga a hawlam chuan thil danglam tak mai a tawng a. Chuta tang chuan Kraws pawimawhna leh hlutna tak tak te a ngaihtuah a, Tirhkoh Paula’n ‘Isua tawrhna tawmpui’ a tih awmzia te chu a chhut chiang leh zual a. Heng thutak hi uluk taka a ngaihtuah hnu chuan, kraws chu sakhaw chhinchhiahna satliah mai niloin Chanchintha laipui innghahna niin a hre ta a. Amah ngeiin ‘The Old Rugged Cross’ a phuah dan a sawi hi i lo ngaithla teh ang,

“ 1913 khan tum khat chu Michigan-a , Albion khua ka chamlaiin pawlna ka dawng a. ‘The Old Rugged Cross’ chu ka phuah ta a. A thluk hi ka dawng hmasa a. A thu ka ziah hmasak ho chu a famkim lo khawp mai a. Hlaphuah zawh tawh sa, a hla thu chu ka mamawh chhanna atan ka thinlungah dah a ni a. Michigan ram chhunga Pokagon-a inkhawmnaah June 7, 1913 khan mipuiin an hmel hriat tan a. Biak In pawnah mipuiin an ngaihthlak hmasak ber chu hemi khua tho Chicago Evangelistic Institute-ah a ni. A hnuah mipui tam tham tak hmaah sak a hlawh chho zel a. Rampum hriat a lo hlawh ta a ni”

He Kohhran, Kraws hlun tak tih hla an sak chhuah hmasakna ber hmun hi tunah chuan, “The Old Rugged Cross Church” an ti a. He kohhran hi a lo tla chhe ta a, hemi tungnung leh tur hian The Old The Old Rugged Cross Foundation, Inc. (ORCF) an din a, hetah hian Director atana mahni inpe pasarihin hma an la mek a ni.

He Biak In hi 1862 khan 28′ x 60′ a lian a sak a ni a.,hei hi buh chhek khawlnan hman a ni thin a; a neitute an lo tlak chhiat takah chuan 1876 khan , Methodist Episcopal congregation, Pokagon, ten an lei chhawng a. Loan $3,000 zet pukin he buh chhek in hi Biak In atan an sei tha a, an tih len belh bawk a. He Biak in hi Pokagon, Michigan khua a Methodist Episcopal Church Biak in hmasa ber a lo ni ta a ni.
_
1913 khan an kohhran Pastor chu Rev. Leroy O. Bostwick a ni. January 1913 khan Revival Crusade kan tih ang chi deuh hi a thla tluanin an kohhranah an hmang a. Amah pui turin Rev. George Bennard chu a sawm a, Rev. Bennard hian Pokagon a a lo thlen hian, Albion-a a hla lo phuah tawh,a la phuah zawh loh chu a rawn keng tel a. Pokagon-a a khawsak lai hian he hla hi a phuah zo ta a ni.Amah ngeiin mipui hmaah a sa chhuak hmasa ber a. Chumi zawhah Methodist Episcopal Church zaipawl member pali a zirtir ve leh a, anni hian Rev. Bennard-an a ma kut ngeia ziah chu an en a, an zir zui ve a ni. He hmunah hian a hnua khawvel hla hmingthang ber pawl nizui ta, “Kraws Hlun tak” chu sak chhuah hmasak ber a ni a, Pokagon Hmuna Kohhran upa tak leh a biak in hlui tak chu, “the Old Rugged Cross Church” tia hriat a ni zui ta a ni.

A phuah zawh hnu lawkah a hunlai a hla phuah thiam lar Charles Gabriel-a hnenah he hla hi a thawn a. Gabriel-a chuan, ‘He hla ropui zia hi i la hre dawn chauh a ni’ tiin a a hrilhlawk a, Gabriel-a hrilhlawkna dikzia hi a hretute kan ni. ‘The Old Rugged Cross’ (A saw raltiang tlangah) tih hla hi USA a sakhua leh khawvel lam hlaah pawh sak leh tih chhuah hlawh nasa berte zinga mi a ni ta hial a ni.

Evangelist lar leh ropui tak mai Billy Sunday, Iowa lam mi chuan, Ram pum huapa lar a Radio rawngbawlna hmangin he hla hi a ti lar a, 1939 a lo nih meuh chuan , he hla record tu hrang hrang te chuan Copy maktaduaih 15 zet an hralh chhuak der tawh a ni

Bernard-a hian ‘A saw raltiang tlangah’ tih hla a phuah hnu hian kum sawmli zet rawng a bawl chhun zawm leh a. Pathian fakna hla ropui tak tak phuah belh teuh mah se, a eng amahin ‘A saw raltiang tlangah’ tih hi chu an tluk pha ta lo a ni. Fakna hla hi 350 zet chu a phuah ve a, a hla zinga hriat hlawh ve deuh dang chu “Speak, My Lord,” “Oh, Make Me Clean” and “Have Thy Way, Lord” tihte hi a ni.

Bernard hian tingtang a perh thiam hle a, Piano erawh a khawih ngai lo. Mi inngaitlawm tak a ni. A nupui hmasa Willaminta thih hnuin, July 1944 khan Hannah Dahlstrom an in nei a leh a, a thih thlengin an innei ta a ni.”

He hla hi zaithiam hrang hrangin an sa na sa em em mai a, khawvela hla sak hlawh ber pawl a ni hial awm e. He hla satu zaithiam zingah chuan “Al Green, Andy_Griffith, Anne_Murray, Brad Paisley, Chet Atkins,Elvis Presley, Floyd Cramer,George Jones,Jim Reeves,Johnny Cash,June Carter, “Kevin Max,Mahalia Jackson, “Merle Haggard, Patsy Cline, “Loretta Lynn” , Ray Price, Ricky_Van_Shelton” , Tennessee Ernie Ford” _Tennessee Ernie Ford,Roy Rogers,Dale Evans, The Oak Ridge Boys, The Statler Brothers, Vince Gill,Willie Nelson, Alan_Jackson,George Beverly Shea te hi a langsar zual an ni.

October 9, 1958 khan kum 85-a upa George Bernard- a chuan a lei thawhrimna te chawlhsanin, kum 85- zet thlahloa a lo vawn tlat kraws hlun tak leh Nunna Lallukhum chu a thleng ta a ni. A hun tawp lam chu Michigan rama Reed Khawpui atanga hmar lam hla lote kawng kamah a hmang ral a. Helai hmunah hian tun thlengin Kraws lian tak, Feet 12 zeta sang a la ding a, he thu hi a inziak a.“ Kraws hlun tak- George Bernard a chenna, mite ngainat em em hla phuahtu chu” tih hi.

Bernard hi Ashtma vanga thi a ni a, amah vuinaah hiam mi 400 zet an tel a, hetah hian a chenna bawra Pastor 25 zet an tel bawk.

“A saw raltiang tlangah” tih hi Lalmam-a’n (1901-1959) Mizo tawngin a letling. KHB No 203-naah dah a ni.

‘Chu Kraws chu pawmin ka vuan tlat zel ang,
Thlafam dairial ka chan hma loh chuan,
Thlahlovin ka vuan tlat zel anga,
Lallukhum hluah ka la chan ang.

(Pu Lalmama thlalak hi min pe thei in awm chuan a lawmawm hle ang)

Published by

admin

Ka hunawlah lehkha ka ziak thin.

4 thoughts on “KRAWS HLUN”

Leave a Reply

Your email address will not be published. Required fields are marked *