‘One Day At A Time’ hla lo pian chhuah dan

Marijohnwilkin Kris-Kristofferson-177860-1-402Kristian nun khawihtu hla tam tak hi chu a phuahtute’n harsatna nasa tak an tawh avangte a lo piang a ni thin a. “One Day at a Time.” tih hla lo pianchhuah dan chungchangah erawh chuan he thu hi a letling hlauh a ni awm e . A phuahtu, Marijohn Wilkin, chuan hlawhtlinna tlang hrang hrang hi a chuan kual vel hi a  ni deuh ber mai a, mahse, chung hlawhtlinna tlang chhipte inkarah chuan luipui ruam, rilru natna leh tawrhna hautak taka khat chu a awm ve bawk a.

Ernest leh Karla Melson chuan fa pakhat chiah, Marijohn, an nei a. Texas-a Kemp khuaa an khawsak lai 1920 a piang a ni. Ernest chu violin leh  piano tum thiam em em mai a ni a, Tin, First Baptist Church of Sanger kohhran, Texas-a zai hruaitu a ni,  Marijohn pawh chuan rimawi lamah a pa hniak chu a rawn zui ve nghal a. A kutin mumal taka  a hmeh theih veleh a pa hla tih rik zawh chiah chu a ti thei zui ve nghal mai a ni.
Lehkhathiam thei chungchuang a ni a, Kum sawm palia  nih chuan  Marijohn chuan  an chhungkaw sumdawnna , ‘Melson’s Veribest Bread’, chu loh theih loha a  enkawl a ngai ta a, apa Ernest chuan  cancer a vei ta tlat a ni . Hna hrang pawh a thawk kual nasa hle a ni. Kumthum hnuah Ernest chu a thi a, chu chuan  Marijohn chu a ti hrehawm hle, Ernest Chuan Marijohn chu thil pahnihah thu a intiam tir hman a, chu chu, College a rap anga- Music a zir ang, theihpatawpin a nu a enkawl bawk ang.

Chhang urnaah hun tam tak hmang mah se, Marijohn chu an  high school class-a tit ha ber a ni thei a. Heta a result tha tak mai bakah , music a thiamna ril tak inkawp te chuan, Baylor University atang Scholarship an rawn sih hmuh a. Baylor –a hun rei vak lo akal hnuin, zirna in te deuh zawk Hardin-Simmons University-ah a insawn a, tah pawh hian full scholarship a dawng tho a ni. Hardin-Simmons-ah chuan University Cowboy Band hmeichhe member ni tur a sawm a ni a,maah bak hi hmeichhe dang an tell eh ta ngai lo. College-ah chuan Musician leh zaithiam ang pawhin a ber a kai a, Cowboy Band ruala zinna leh zai ve na vawi tam tak a nei a ni.

College atanga a zir chhuah hnu kum thum-ah Marijohn-I pasal, Bedford Russell, college degree a dawn hnu thla hniha pasal atana a neih chu, Indopui pahnihn aah South Africa-a pilot a ni a, tah hian indonaah a thi a. A lungngaihna leh taqwrhnate inhneh tir duh loin hmalam a thlir tlat a, Marijohn chuan sikulah zirtirtu hna a thawk a, a lawina kohhran zaipawlah  alto soloist a ni bawk a. Hetih lai hian hla eng emaw zat chu a phuah ve a, a kutchhuak chu a chhuah lem loh avangin, hetih lai a a hla phuahte hi a dah tha lo a ni.

Kum sawmthum pasarih a nih chuan, Nashville-ah a pem a, Tennessee-ah chuan. Chu khawpuiah chuan Country Music Industry-a hla phuahtu langsar leh thawhhlawk berte zinga mi a ni ta thuai a, Buckhorn Music Publishers a din bawk a. Hetih hun lai hian pasal dang a nei leh tawh a, Fapa  John Buck  a nei a. Country hla zsali chuang a phuah a, Chung zingav eng emaw zat chuan hla tha tehnaah ber an kai a ni.

Mi hmingthang tak tak  Mel Tillis, Johnny Cash, Patti Page, Charlie Pride, Patsy Cline, Glen Campbell, leh mi dang tam tak te chu a thian hnai tak tak an ni chho a. Buckhorn Music-a  a hlaphuah pui thin pakhat chu  Kris Kristofferson  a  ni. Kristofferson-a hla sawmsarih panga aia tam mah hi a tih chhuah sak a ni.
Country music songwriter a nihnaa Hmingthanna, hausakna, leh hlawhtlinna Te’n   a han vur takah chuan , Marijohn chuan biak in kal a thlahthlama,  Zu ngawl vei a lo nit a a ni. Tum kha aia tam, mahni intihhlum a lo tum tawh thin a. Pathian khawngiana ropui tak chuan a nunna venhim sak zel a ni.

Kum 53 a nih chuan, Marijohn chuan a hla ropui tak takte zinga hmingthang ber mai “One Day at a Time.” Chu a phuah ta a ni. He hla phena thawnthu inphum chu, amah ngeiin Lindsay Terry hnenah heti hian a sawi:
Country music huangchhungah hian engvanga hlawhtling em em mai nge ka nih hi ka hrethiam tak tak thei lo. Country hla phuahtu lar tak nih chu nuam ka tih em em rualin, Ka Hruihrual zawh chu a tawp ka thlenga inhriatna ka nei a. Pathian fak hla phuahtura kohna dawnga inhriatna hi ka nei a,Chu chu ka ti hlei thei tlat lo. Nashville-ah chuan rimawi lipui chu ka beng thleng hian ka dai tawh a ni ber a. khawiah pawh thil ‘thleng,’awm se, a bul hnaiah chuan ka lo awm ve zel a ni, a thlentirtu zinga mi ka ni deuh zel. Chuti chung chuan nuam tihna te, han lawm em em na pawh ka nei lo. Ka beidawng ru riau zawk! Engkim ka tawng a, ka dawng a, ka hmuin, ka nei tawh, ka kawng zawh laiah chuan!

“Biak in te takte kawtah hian tum khat chu ka ding a, chumi en kawltu pastor la naupang tak mai chu, kan inkawm thei angem, tiin ka sawm a. Ani chuan a lo pawm a. A hnuah chu pastor chuan kei chu mi a  counseling hmasak ber ka ni tih ka hre chhuak leh nghe nghe.Ka midnight blue Cadillac(car)chu ka khalh a, Mink (ramsa chi khat) hmul atanga siam kawrchung (Coat) ke ler thleng khuh chu ka ha a, thi leh bengbeh ma to tak ka inbel a, ka cowboy pheikhawk ka bun a. A hnenah chuan, ‘Harsatna tinrengin min tlak buak’ kan ti tawng a. ‘Sum elh paiah chuan I buai loh hmel hle mai’ a lo ti a. ‘Ka buai lem lo’ tiin ka chhang a. ‘I landanah chuan I hrisel hmel viau bawk a’ a ti leh a. ‘Ka hrisel a lawm’ tiin ka chhang ve leh a.Anih leh ‘engnge I harsatna pui ber chu?’ tiin min zawt ta a. ‘Ka hre hauh lo mai’Chutah chuan sawi tur a haihchham tain ka hria a.

 “Chulai thu vela kan inkawm chhoh lai chuan thil nuihzatthlak  deuh mai a sawi a. Mahse, a tha khawp mai. Awmzia a nei tlat. ‘I harsatna te avanga Pathian hnenah lawmthu sawina rilru I pu tawh reng reng em?’ (Ephesi 5:20)tiin min zawt khauh a. A office ka chhuah san a, inah ka haw tlang nghal a.
“In k athlen chuan a ruak huai a, a reh thiap a, ka lawmkhawp  mai a.Piano bulah chuan ka thu a, ka han hmet ri a, a hnua ‘one day at a time’thunawn lo nita chu ring leh fiah em em mai hian ka sa ta a,‘That’s all I’m asking from You. Just give me the strength to do every day, what I have to do.’tih te chu. Ka rilruah a hlathu chu a lo far zawih zawih mai a ni.Ka zak zawh chuan ka ‘Nashville thinlung’chuan ‘Hei hi chu a lar (Hit) dawn chiang’ ka ti a Chu chu ka rilru-a lo lang hmasa ber a ni a. A thu ka ngaihtuah chiang a, tawngtiana  a ni tih ka hria  a, ka rilru chu a lawm khawp mai.

“Envelope hnungah hian a thunawn chu ka theih anga rang hian ka ziak a.Ti hian ka zai chhunzawm a, ‘Do You remember when You walked among men? Well, Jesus, You know, if You’re looking below, it’s worse now than then.’(A hla thu ang ang hian dah ila  a fuh zawk awm e.) Pathian chuan ka awmna a hriat hi ka han ring lo khawp mai a.Amah rin chu ka bansan ngai chuang lo a,Mahse, kei chu  Nashville-ah ka awm a,Pathian chu vanah a awm daih a, Chu’ng hmun pahnihte chu engtik lai  mahin  an inzawm ngai der si lo. Pathian chuan ka awmna chua  hriat hi ka ring lo tak zet a ni. Hei hi thenkhat chuan an awih lo tih ka hria a, mahse, chu chu, chutih laia ka awm dan chu a  ni tlat.

“A tuk zinagh chuan ka ngaihtuahna chu hlaah bawk chuan a kir leh a. Chang hnihna leh a thunawn ka nei tawh a,Mahse, a hla bul lama chu, ka nei hleithei tlat lo. Kris Kristofferson Leh Rita Coolidge te inneih lai a ni a,Nahville-a an awm lai a ni.Kris-a phuah, ‘Why Me, Lord?, an nupain an sak ’chu a hlawhtlingin, a lar em em lai a ni. An hla vang chuan  Dove Award Te pawh an dawng hial  a ni. Kris-a chu kla bia a, Ka hla chang khatna chu min phuah pui turin ka sawm a,ka company tan hla a phuah thina, hla lar tak tak kan ti chhuak dun nual  a ni.

Ka hla bul tan  dan, ‘I’m just a mortal . . .’tih ka han hmuh tir chuan, mi en vang vang a, “I’m only human, I’m just a man . . .”tit a mai zawk la, a ti a. ‘Tha lutuk! Chutak chu  ni ka duh.’ka ti a.  Chang khatna chu minute sawmhnih chhung lekin kan phuah zo ta mai a. Hla tlar tin mai chu kan pahnih atang chuan a luanin a lo luang chhuak zawih zawih mai a ni.”

He hla  Marilyn Sellers-in a record hmasak ber hi, Category hrang hrangah no 1 a ni chho a. America-ah chuan, country charts-ah hit a ni phawt a, chumi hnuah pop charts-ah a kai leh a ni. England-ah pop charta-ha no 1 a ni a, Ireland country hlaah no a ni a,ram dang pahnihah pawh chart-ah top ten-ah a lang a ni. Heng ram hrang hranga top chart kai ho hi zaiothiam hrang thahin an sak a ni. Zaithiam zaruk chuangin an sa tawh a, Southern Gospel Music te pawhin he hla hi siam rem a ni tawh a ni.

Marijohn Wilkin, chuan zai lama a zinkawngah, Album ropui tak pali a ti chhuak a. “One Day at a Time” chu a album hmasa berah a chuang a, ‘I Have Returned’ tiin a vuah a. Hei hi  Marijohn-in  Pathian hnenah a kir leh ta a ni tih  America a hriat tir vena a ni. A album hmasa ber hming putu ‘I have returned’ hi hla ropui leh ringtu nun tarlang chiang tak a ni. Tunah chuan a lo hlim ta hle a, Kristian zu nghei a ni a (sap kristian tak takte hi chuan zu han in chang nei mah se, an tlachhuak leh thin.Mizo  Kristianten zu kan the dan chu a lang chiangin a hriat-Roa), Pathian fak hla hi zathum chuang a phuah bawk. Kum 1975 chuan chawimawina dang a dawng leh a, Chu chu  Dove Award a ni ve ta thung a. Chumi tuma lawmmna dawng ve dangte chu , Southern Gospel mi ropui,  Brock Speer leh James Blackwood te an ni!. Nashville-ah a khawsa chhunzawm ta zel a ni..

One day at a time, Sweet Jesus
I’m only human, I’m just a woman
help me believe in what I could be
and all that I am, show me the stairway
I have to climb, Lord for my sake
teach me to take one day at a time.

One day at a time, sweet Jesus.
That’s all I’m asking from you
just give me the strength to do everyday
what I have to do.
Yesterday’s gone sweet Jesus,
and tomorrow may never be mine.
Lord help me today, show me the way
One day at a time.

Do you remember when you walked among men?
well, Jesus you know if you’re looking below
it is worse now than then
cheating and stealing, violence and crime,
so for my sake, teach me to take
one day at a time.

One day at a time, sweet Jesus
that’s all I’m asking from you
just give me the strength to do
everyday what I have to do.
Yesterday’s gone sweet Jesus
and tomorrow may never be mine
Lord help me today show me the way
one day at a time.

Inbihna:
Kan nitin nunah hian hneh theih loh niawma lang harsatna te hi lo thleng thin mah se, kan Pathian chuan min kalsan ngai dawn lo a, min ngaihthah ngai dawn lo tih a sawi a. Vawiinah hian min awmpui a, chutah chuan kan lawmtur a ni.

Published by

admin

Ka hunawlah lehkha ka ziak thin.

Leave a Reply

Your email address will not be published. Required fields are marked *